«Ժառանգություն» կուսակցության առաջնորդ Րաֆֆի Հովհաննիսյանն այսօր այցելեց Կոտայքի մարզի Չարենցավան և Բյուրեղավան համայնքներ։

Բյուրեղավանում Րաֆֆի Հովհաննիսյանը միչ կսկսեր իր ելույթը  մոտեցավ շենքերից մեկի պատին փակցված իր ցուցապաստառին, այն պոկեց  և այդպիսի   մի քանի պաստառ: Պոկված ցուցապաստաառն իր ձեռքին պահած Հովհաննիսյանը դիմեց բյուրեղավանցիներին.«Ձեր հաղթանակը շնորհավոր լինի: Հաղթանակ ենք բերել, այո բերել եք»:

Րաֆֆի Հովհաննիսյանը ասաց, որ եթե որևէ մեկը  խախտի քաղաքացիների իրավունքը, ազատի նրանց աշխատանքից, խախտի վերջիններիս ազատ տեղաշարժի իրավունքը պատասխան է տալու  Հայաստանի դատարանի առջև:

«Սա արարողություն չէ, որ ես արեցի: Անգամ, եթե ես կեսգիշերին մենակ լինեի,  առանց լրագրողների ես նույնը կանեի, որովհետև ընտրություննեն անցել են և ժողովուրդը հաղթել է»,­ անդրադառնալով իր կողմից պաստառ պոկելու երևույթին հայտարարեց Րաֆֆի Հովհաննիսյանը:

«Ժառանգություն» կուսակցության առաջնորդը բյուրեղավանցիների համար ընթերցեց իր կողմից առաջարկվող  5 կետանոց տնտեսական  փոփոխություների ցանկը՝ հիշեցնելով, որ դրա մասին ինքը Բյուրեղավանում ասել է երկու շաբաթ առաջ։

Րաֆֆի Հովհաննիսյանը Կոտայք կատարած իր այցի շրջանակներում այժմ  գնում է Նոր Հաճն, ապա Աբովյան, իսկ երեկոյան  Հովհաննիսյանը Ազատության հրապարակում  քաղաքացիներին հրավիրել է հանրահավաք :