Այսօր ՀՀ պաշտպանության նախարար Սեյրան Օհանյանը աշխատանքային այցով գտնվել է հանրապետության արևմտյան սահմանագոտում տեղակայված զորամասերից մեկի մարտական հենակետերում: Պաշտպանական գերատեսչության ղեկավարին ուղեկցում էին ՀՀ ԶՈՒ ԳՇ պետի տեղակալ, գեներալ-լեյտենանտ Հայկազ Բաղմանյանը, բանակային զորամիավորման, ինչպես նաև զորամասի հրամանատարական կազմը: Հենակետերում պաշտպանության նախարարը ծանոթացավ դիրքերի կահավորմանը, ծառայության կազմակերպման առանձնահատկություններին, զրուցեց անձնակազմի հետ, տվեց համապատասխան հրահանգներ:
Նախարարն այցելել է նաև Սիսիանում տեղակայված զինվորական կլինիկական հոսպիտալ: Այցի ընթացքում պաշտպանական գերատեսչության ղեկավարին ուղեկցում էր ՊՆ ռազմաբժշկական վարչության պետ, գնդապետ Կամավոր Խաչատրյանը:
Սեյրան Օհանյանը ծանոթացավ հոսպիտալային իրավիճակին, հիվանդների բուժման և սնվելու կարգին, զրուցեց հոսպիտալում ստացիոնար բուժման ենթարկվող զինծառայողների հետ, բուժանձնակազմին տվեց համապատասխան ցուցումներ: Այցի ընթացում պայմանավորվածություն ձեռք բերվեց նաև շենքի որոշ հատվածի վերանորոգման վերաբերյալ:
Աղբյուրը`
Արծրուն Հովհաննիսյան
Facebook.com
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
