Մայիսի 20-ին երկօրյա այցելությամբ Վրաստանում էր գտնվում ՀՀ մշակույթի նախարար Հասմիկ Պողոսյանի գլխավորած պատվիրակությունը:
Այցի շրջանակներում տեղի ունեցավ ՀՀ մշակույթի նախարարի առանձնազրույցն ու երկու երկրների համապատասխան պատվիրակությունների ներկայացուցիչների մասնակցությամբ ընդլայնված կազմով հանդիպումը Վրաստանի մշակույթի և հուշարձանների պահպանության նախարար Գուրամ Օդիշարիայի հետ:
Քննարկվեցին երկու երկրների համագործակցության ուղղություններն ու ձևաչափերը, մշակութային ժառանգության պահպանության ոլորտում նախագծային և վերականգնողական աշխատանքերի ընթացքը, ինչպես նաև հստակեցվեցին երկկողմ մշակութային համատեղ միջոցառումների, մասնավորապես՝ կինոյի, թատրոնի, կերպարվեստի, գրականության, բնագավառներին առնչվող ծրագրերը:
Նախարար Հասմիկ Պողոսյանի գլխավորած պատվիրակությունն այցելեց Վրաստանի ազգային պատկերասրահ, ինչպես նաև թատրոնի, երաժշտության, կինոյի և խորեոգրաֆիայի թանգարան: Վրաստան կատարած այցելության ընթացքում ՀՀ մշակույթի նախարարը ծաղիկներ դրեց Թբիլիսիի հին թաղամասում գտնվող Սերգեյ Փարաջանովի հուշարձանին:
Մայիսի 21-ին նախարար Հասմիկ Պողոսյանը՝ Վիրահայոց թեմի առաջնորդ Վազգեն եպիսկոպոս Միրզախանյանի, Վրաստանի մշակույթի և հուշարձանների պահպանության նախարարության բարձրաստիճան պաշտոնատար անձանց, ինչպես նաև ՀՀ գործերի ժամանակավոր հավատարմատար Վահագն Աֆյանի ուղեկցությամբ, այցելեց Թբիլիսիում գտնվող Սուրբ Գևորգ և Սուրբ Նշան եկեղեցիներ` տեղում ծանոթանալով եկեղեցիների վերականգնողական աշխատանքների ընթացքին:
Վրաստանի մշակույթի և հուշարձանների պահպանության նախարարի ուղեկցությամբ հայկական պատվիրակությունն այցելեց նաև Թբիլիսիի Էթնոգրաֆիկ բացօթյա թանգարան:
Այցի շրջանակներում կայացավ նաև ՀՀ մշակույթի նախարարի հանդիպումը Թբիլիսիի Պետրոս Ադամյանի անվան հայկական պետական դրամատիկական թատրոնի ադմինիստրատիվ կազմի հետ:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
