Ադրբեջանի, Թուրքիայի եւ Վրաստանի զինված ուժերը պատրաստվում են համատեղ զորավարժություններ անցկացնել: Այդ մասին լրագրողների հետ զրույցում հայտնել է Ադրբեջանի պաշտպանության նախարար Զաքիր Հասանովը:
«Համատեղ զորավարժությունների մասին պայմանավորվածությունը ձեռք է բերվել երեք երկրների պաշտպանության նախարարների հանդիպման ժամանակ, որն առաջին անգամ անցել է այս օրերին՝ Նախիջեւանում», - տեղեկացրել է Հասանովը:
Երեք երկրների պաշտպանության նախարարները քննարկել են ռազմական դրության ժամանակ հեռահաղորդակցության ենթակառուցվածքի հարցերը:Ինչպես հաղորդում է «Ադրբեջանի նորությունները» գործակալությունը նրանք քննարկել են նաև այլ հարցեր, որոնք են նավթա- եւ գազատարների անվտանգության, հաղորդակցության երկաթուղային ճանապարհների, կապի օբյեկտների ծրագիրը: