«Եկել է ժամանակը, որպեսզի հայկական կողմը հասկանա՝ որքան ուժեղ է և չսպասի իր վրա հարձակվելուն, այլ ինքը հարված հասցնի Ադրբեջանին»,- այս մասին օգոստոսի 26-ին հրավիրված ասուլիսի ժամանակ հայտարարել է Արցախյան պատերազմի հերոս, գեներալ-լեյտենանտ Արկադի Տեր-Թադևոսյանը՝ Կոմանդոսը:
Կոմանդոսը նշել է մեր կանխարգելիչ հարված հասցնելու հիանալի պայմանների մասին, և հայտարարել, որ չպիտի թույլ տանք, որ մեր վրա հարձակվեն:
«Մենք կանխարգելիչ հարված հասցնելու հիանալի պայմաններ ունենք: Այս գաղափարը չի ողջունվում, քանի որ մարդկային կյանքերի հետ է կապված, սակայն, մենք չենք կարող թույլ տալ, որ մեզ վրա հարձակվեն, մենք էլ ամբողջ ժամանակ պաշտպանվենք: Եթե մենք հարված չհասցնենք, ադրբեջանական կողմն անընդհատ լարվածության մեջ կպահի մեզ»:
Կոմանդոսը բացատրել է, որ խոսքը պատերազմական գործողություններ սկսելու մասին չէ, այլ կանխարգելիչ հարվածներ հասցնելու: «Ադրբեջանական զորքերը պատրաստ չեն ռազմական գործողությունների: Նման գնահատական ՆԱՏՕ-ի մասնագետներն են տալիս: Նախագահ Իլհամ Ալիևն արհեստական լարվածություն է ստեղծում սահմանին»,- հավելել է Արկադի Տեր-Թադևոսյանը:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
