ՀՀ նախագահի նախկին թեկնածու Արման Մելիքյանն իր ֆեյսբուքյան էջում գրել է.

«Հայաստանի Սահմանադրական Դատարան դիմելը աննպատակայարմար գտանք նախ այն պատճառով, որ ՀՀ արդարադատութեան համակարգը անգործունակ և մեռած կը համարենք: Այսօր մեր երկրին մէջ չկայ անկախ, անաչառ ու անկաշառ դատարան, իսկ հայցադիմում ներկայացնելով ես, փաստօրէն, պիտի ճանաչէի այդ դատարանին դատելու իրաւունքը և կանխաւ պիտի համակերպուէի ատոր ցանկացած վճիռին հետ: Այդ ճանապարհով գացին Րաֆֆի Յովհաննիսեանն ու Անդրիաս Ղուկասեանը` ստացան այն վճիռը, որ նոյնքան կանխատեսելի էր, որքան որ կանխատեսելի էր ընտրութիւններուն կեղծումը: Ես չեմ խաղար և պիտի չխաղամ իշխանութիւններու կողմէն պարտադրուած կանոններով և նաև չեմ խաղար փողոցային ամբոխավարութեան կողմէն պարտադրուած կանոններով` առաջինը անընդունելի է, քանի որ թելադրուած է անօրէն իշխանութեան շահերով, իսկ երկրորդը մերժելի է, քանի որ հիմնուած է զգացմունքներու և ոչ թէ մասնագիտական որակներու և բանականութեան զուգակցման վրայ: Մենք Հայաստանի իշխանական համակարգի որակական փոփոխութեան գործը շարունակելու համար այլ արդիւնաւէտ ուղիներ կը տեսնենք, իսկ այն ինչ կը կատարուի այսօր Րաֆֆի Յովհաննիսեանի անձի հետ կապուած` քաղաքական առումով տեղապտոյտ է, որ Հայաստանի առաջընթացի նուազագոյն հեռանկարը անգամ չի պարունակեր: Զգացմունքային առումով գուցէ ըսածս դժուարամարս ըլլայ շատերու համար` մարդիկ սովորաբար կը գերադասեն խաբուած ըլլալ, բայց լսել իրենց համար հաճելի, սակայն սուտ խօսքեր: Երևի այդ է պատճառը, որ զանգուածային մտածողութիւնը էապէս կը տարբերուի անհատական մտածողութենէն, իսկ զանգուածային յիշողութիւնն ալ սովորաբար կը մտապահէ միջինը երկուքէն չորս շաբթուան իրադարձութիւնները: Այսօրուան իրավիճակը հանգուցալուծման երեք տարբերակ ունի` “արաբական գարուն” կամ սուրիական սենարիօ, իշխանութեան կողմէն դժգոհ զանգուածի ուժային բռնաճնշում և, երրորդը, գործարք իշխանութեան և Րաֆֆի Յովհաննիսեանի թիմին միջև: Իմ կարծիքովս այս սենարիօներէն և ոչ մէկը Հայաստանի քաղաքացիին լաւ ապագայ չեն խոստանար: Իրական դրական փոփոխութիւններու հասնելու համար անհրաժեշտ է հետևողական և սկզբունքային մասնագիտական աշխատանք և սա է իմ թիմիս նախընտրած տարբերակը»: