Մայիսի 8-ին մեծ շուքով ու հանդիսավորությամբ նշվեց Երկրապահ կամավորականների միության օրը: Օր, որը խորհրդանշում է նաև Շուշիի ազատա•րումը: Եվ ավանդույթի համաձայն` Արցախյան ազատամարտում զոհված կամավորականների հիշատակին հարգանքի տուրք մատուցելու նպատակով այդ օրը ԵԿՄ վարչության շենքը և Եռաբլուր զինվորական պանթեոնը կրկին բազմամարդ էին:
Երկրապահ կամավորականների միության օրվա առթիվ ԵԿՄ վարչության շենքում կազմակերպված հանդիսավոր միջոցառմանը մասնակցում էին ՀՀ ԱԺ նախագահ Գալուստ Սահակյանը, ՀՀ պաշտպանության նախարար Սեյրան Օհանյանը, Երևանի քաղաքապետ Տարոն Մարգարյանը, ԵԿՄ վարչության նախագահ Մանվել Գրիգորյանը, բարձրաստիճան այլ պաշտոնյաններ, զինվորականներ, մտավորականներ և այլոք:
Օրը կրկնակի տոն էր երկրապահների համար, քանի որ ավելի քան մեկ տարվա աշխատանքներից հետո ԵԿՄ վարչության շենքի բակում հանդիսավորությամբ բացվեց պատանի երկրապահների ուսուցման նոր կենտրոնը, ֆիզպատրաստության հրապարակը, թանգարանը, գրադարանը և աղոթատեղին: Թանգարանի բակում ԵԿՄ վարչության նախագահ Մանվել Գրիգորյանի նախաձեռնությամբ հիմնադրվել էր նաև հայ ժողովրդի պատմական բոլոր իրադարձություններն ու այդ ընթացքում իրենց հայրենանվեր գործով անմահացած քաջարի հայորդիների սխրանքն արտացոլող խաչքարերի պուրակ, որոնց օրհնության արարողակարգից հետո բարձրաստիճան հյուրերը ուղևորվեցին Եռաբլուր զինվորական պանթեոն՝ հարգանքի տուրք մատուցելու Արցախյան ազատամարտում զոհված կամավորականների հիշատակին:
Ներկաները ծաղիկներ ու ծաղկեպսակներ դրեցին զորավար Անդրանիկի, սպարապետ Վազգեն Սարգսյանի շիրմաքարերին, խոնարհվեցին զոհված ազատամարտիկների հիշատակը հավերժացնող հուշակոթողի առջև:
Իր շնորհավորանքի խոսքում ԵԿՄ վարչության նախագահ Մանվել Գրիգորյանը նշեց, որ երկրապահի օրը հայրենիքի համար մարտնչող, սահմանը պահող հայ զինվորի մեծարման օրն է: Պաշտպանության նախարար Սեյրան Օհանյանն էլ, մայիսյան հաղթանակների կապակցությամբ շնորհավորելով համայն հայությանը ընդգծեց, որ պատերազմի դաշտում ձևավորված երկրապահ կամավորական ջոկատները, համախմբվելով մեկ ճշմարիտ գաղափարի շուրջ, փառքով են կատարել իրենց գործը` ասպարեզը թողնելով հայոց կանոնավոր բանակին և այսօր էլ շարունակում են մատաղ սերնդի հայրենասիրական դաստիարակությանն ուղղված աշխատանքները:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
