Կիրակի օրը ԼՂՀ-ից Հայաստան տեղափոխված բարձրաստիճան զինվորական ամուսինների վիճակը շարունակում է մնալ ծանր կայուն: Այս մասին YerevanNews.am-ի հետ զրույցում ասաց Ճառագայթային բժշկության և այրվածքների հանրապետական գիտական կենտրոնի տնօրեն Նորայր Դավիդյանը:
Տնօրենը նշեց, որ ամուսնու վիճակը դեռևս շարունակում է մնալ կայուն ծանր, նա ստացել է 85 տոկոս այրվածք, իսկ կնոջ վիճակը միջին ծանրության է. նա ստացել է 30 տոկոս այրվածք: Տղամարդու կյանքին դեռևս շարունակում է վտանգ սպառնալ:
Նա նշեց նաև, որ դեպքը պատահել է լողանալու ժամանակ: Ariston գազի կաթսայից եռման ջուրը թափվել էր նրանց վրա:
Հիշեցնենք նաև, որ «Հրապարակ» թերթը գրում էր, որ Լեռնային Ղարաբաղի Հանրապետությունից օրեր առաջ ուղղաթիռով բարձրաստիճան զինվորական ամուսիններ են տեղափոխվել Երևան: