Առաջին ամառային եվրոպական խաղերի ձյուդոյի մրցաշարը կմեկնարկի վաղը, հայտնում է Հայաստանի հավաքականի մամուլի քարտուղար Կարեն Գիլոյանը՝ ֆեյսբուքյան իր էջում:
Մեր մարզիկներից առաջինը տատամի դուրս կգա 60 կգ քաշային Հովհաննես Դավթյանը: Հովհաննեսն այս տարի լավ արդյունք է ցույց տալիս և դրա շնորհիվ իր քաշում ունի 5-րդ վարկանիշը: Գյումրեցի ձյուդոիստը պայքարը կսկսի 1/8-րդ եզրափակիչից: Նրա մրցակիցը կլինի սլովակ Տռբովիչ - թուրք Կաբա զույգի հաղթողը:
Վաղը տատամի դուրս կգա նաև Ժաննա Ստանկովիչը: Մեր ձյուդոիստը առաջին գոտեմարտում ուժերը կչափի բրիտանացի Էդվարդսի հետ:
Հայաստանի հավաքականի երրոորդ ներկայացուցիչը Դավիթ Նիկողոսյանն է: Մեր երիտասարդ ձյուդոիստը տատամի դուրս կգա հունիսի 26-ին: Նա պայքարը կսկսի 1/16-րդ եզրափակիչից: Դավիթ Նիկողոսյանի առաջին մրցակիցը իսրայելցի Մուկին է:
Տեղեկացնենք նաև, որ Բաքու 2015-ի ձյուդոյի մրցաշարը համարվում է նաև այս տարվա Եվրոպայի պաշտոնական առաջնությունը: Դա նշանակում է, որ մարզիկները միանգամից կխաղարկեն 2 տիտղոս և հետևաբար կպարգևատրվեն 2 մեդալով:
Ձյուդոյի մրցաշարը նաև օլիմպիական վարկանիշային է:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
