Իրանի ուլտրածայրահեղական «Քեյհան» պարբերականը, որը արտահայտում է Իրանի հոգևոր առաջնորդ Այաթոլլահ Ալի Խոմենեյի տեսակետները նշել է, որ Ադրբեջանում պետք է անցկացվի Իրանին միանալու հանրաքվե: Այս մասին նշում է Eurasianet գործակալությունը: 
«Քեյհան» ամսագրի գլխավոր խմբագիր Շարիաթմադարին, որը հաճախ ներկայացնում է Ալի Խոմենեյիի տեսակետները, նշել է, որ Ադրբեջանի բնակիչները իրենց առանձնացված են զգում Իրանից և անհամբեր սպասում են, թե երբ են միավորվելու վերջինիս հետ:
Նա նաև ավելացրել է, որ կոնֆերանսի մասնակիցների քիչ լինելը ցույց է տալիս, որ ադրբեջանցիները հոգնել են «սիոնիստների» ազդեցությունից:
Սա վերջին քայլն էր երկու պետությունների լարվածության համար և հետևում է Բաքվում մարտի 30-ին տեղի ունեցած կոնֆերանսին, որը որոնում էր անկախություն Իրանի ազարի փոքրամասնության համար:
«Ժամանակակից Հարավային Ադրբեջանի վաղվա օրը» կոնֆերանսի խոսնակները բազմիցս նշել են, որ Իրանը հանդիպել է ծանր քաղաքական ապագայի պատժամիջոցների և միջազգային ճնշումների պատճառով և կանխատեսել են, որ Իրանի հյուսիսարևմտյան նահանգ Ատրպատականը ի վերջո անկախանալու է:
Կոնֆերանսը կազմակերպված է եղել այսպես կոչված « Հարավային Ադրբեջանի Ազգային ազատագրական շարժման» կողմից և մասնակցել են ակտիվիստներ, ակադեմիկոսներ, ինչպես նաև Ադրբեջանի Հանրապետության նախկին և ներկայիս քաղաքական գործիչներ:
Կոնֆերանսի մասնակիցները մասնավորապես նշել են, որ եթե Իրանը կորցնի հսկողությունը Հարավային Ատրպատականի վրա, ապա Ազգային շարժումը կարող է իր հսկողությունը հաստատել այդ տարածքում:
Ազերի անջատողականները Իրանի հյուսիսում գտնվող Արևելյան և Արևմտյան Ատրպատականները անվանում են «Հարավային Ադրբեջան» և կոչ են անում, որ այն պետք է առանձնանա Իրանից և միավորվի Ադրբեջանի հետ: