Ի պատասխան որոշ առցանց լրատվամիջոցների հրապարակումների, թե այգիները ցրտահարությունից պաշտպանելու համար գյուղացիական տնտեսություններին ոռոգման ջուր չի մատակարարվել, հայտնում ենք, որ.
ՀՀ տարածքային կառավարման նախարարության Ջրային տնտեսության պետական կոմիտեն ցրտահարության վտանգի մասին ահազանգը եւ գյուղացիական տնտեսությունների համար առատ ոռոգում ապահովելու առաջարկը ՀՀ գյուղատնտեսության նախարարությունից ստացել է ապրիլի 24-ին, ժամը 14:00-ի սահմաններում: Չնայած տեխնիկական բարդություններին` անմիջապես անհրաժեշտ քայլեր են ձեռնարկվել` գյուղացիական տնտեսություններին ոռոգման ջրով ապահովելու եւ բոլոր ջրանցքներով ջուր մատակարարելու ուղղությամբ:
Ջրամատակարարման առումով որոշակի լարվածություն է առաջացել Վեդիի տարածաշրջանում, եւ որոշում է կայացվել ջրբացթողում իրականացնել Ազատի ջրամբարից: Համակարգն աշխատել է ողջ ծավալով` փորձելով անել հնարավորը` մի քանի ժամվա ընթացքում գյուղացիական տնտեսություններին նախապես ստացված հայտերից ավելի ոռոգման ջրով ապահովելու համար:
Տեղեկացնում ենք, որ համակարգի տեխնիկական հնարավորությունները, ցավոք, ֆիզիկապես թույլ չեն տալիս Արարատյան դաշտավայրի բոլոր բնակավայրերին միաժամանակ ապահովել ոռոգման ջրով:
Հասարակայնության հետ կապերի բաժին
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
