«Հրապարակ» թերթը գրում է.
«Կառավարության 3-րդ մասնաշենքից օրերս հնամաշ «բորդո» վարագույրներն էին հանում` «կառնիզներով» ու ոսկեթել լարերով: Միևնույն ժամանակ` բանվորները հատուկ փաթեթավորված գույք էին տեղափոխում: Մեզ հասած տեղեկություններով` ՀՀԿ-ՀՅԴ քաղաքական համագործակցության շրջանակներում ԱԻՆ-ից առանձնացած տարածքային կառավարման նախարարությունը տեղավորվելու է 6-րդ հարկում: Այդտեղ նախկինում ծվարել էր կրթության և գիտության նախարարությունը, որն այժմ տեղափոխվել է Վազգեն Սարգսյան 3 հասցեում կառուցված կառավարական նոր մասնաշենք:
Ըստ ամենայնի` կառավարության 3-րդ շենքում սկսված աժիոտաժը կապված էր ՏԿ նախարար Դավիթ Լոքյանի սենյակը հավուր պատշաճի զարդարելու հետ: Փաստորեն, Լոքյանն այստեղ է քանդում Աշոտյանի աշխատասենյակը, իսկ ԿԳ նախարար դարձած ՀՅԴ-ական Լևոն Մկրտչյանը նոր շենքում է «վերակառուցում» նախորդի աշխատասենյակը:
«Կոմֆորտ» ստեղծելուն զուգահեռ Դավիթ Լոքյանը «սթաֆ» է հավաքում, որոնք հիմնականում բաղկացած են խնամի-ծանոթ-բարեկամներից ու 2003-2008թթ. իր ենթակայությամբ աշխատած կադրերից:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
