Գագիկ Ծառուկյանը հանդիպել է Երևանի Թատրոնի և Կինոյի պետական ինստիտուտի Նիկոլայ Ծատուրյանի արվեստանոցի սաների հետ, որոնք, վերջերս բարեգործական հիմնադրամի աջակցությամբ մասնակցել են Սոչիում անցկացված «Пространство юных» ամենամյա միջազգային փառատոնին և հաղթող ճանաչվել 5 անվանակարգում: Գագիկ Ծառուկյանը շնորհավորել է նրանց Հայաստանը պատվով ներկայացնելու համար և ընդգծել՝ պատրաստ է մշտապես օժանդակել այն ծրագրերին, որոնք ճանաչում կբերեն մեր երկրին:
«Ես ուզում եմ բոլորիդ շնորհավորել մասնակցության և հաղթանակի համար, մասնակցությունը մարդուն հնարավորություն է տալիս իր ուժերի վրա վստահ լինել, մրցել, հաղթել և ավելի մեծ մրցույթների պատրաստվել: Իմացեք, որ միշտ պատրաստակամ եմ օժանդակել այն ծրագրերին, որոնք ճանաչում կբերեն մեր երկրին»,- ասաց Գագիկ Ծառուկյանը:
Գագիկ Ծառուկյանը խոստացել է նաև 15 միլիոն դրամ հատկացնել՝ այս տարի անցկացվելիք Շեքսպիրյան միջազգային փառատոնին հեղինակավոր թատերախմբերի Հայաստան հրավիրելու համար:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
