Հայ մարզիկները մեկը մյուսից տպավորիչ ելույթներ են ունենում Օլիմպիական խաղերում: Այսօր 4-րդ մեդալն է նվաճել ծանրորդ Գոռ Մինասյանը (+105 կգ): Մարզիկը հայ լրագրողների հետ զրույցում նշել է, որ ամեն մեկին բախտ չի վիճակվում մասնակցել խաղերին:
Անգամ հզոր ու ուժեղ մարզիկները երբեմն չեն կարողանում մասնակցել խաղերին: Ես այստեղ եմ, արծաթե մեդալ եմ նվաճել ու շատ գոհ եմ: Կարծում եմ բոլորն են գոհ իմ արդյունքից: Անձնական նոր ռեկորդներ եմ սահմանել:
Արծաթե մեդալ եմ նվաճել մեր երկրի համար, առաջին տպավորությունները շատ լավն են: Ցավոք, թիմակիցս ու ընկերս՝ Ռուբեն Ալեքսանյանը, չկարողացավ մեդալ նվաճել:
Պոկում վարժությունում պայքարը շատ թեժ էր: Ես իմ մոտեցումներն իրար հետևից կատարեցի:
Սիմոն Մարտիրոսյանի գործոնն էլ շատ աշխատեց: Հայաստանի պատմության մեջ դեռ չէր եղել, որ 19-ամյա մարզիկն արծաթե մեդալակիր դառնա: Դա ինձ շատ օգնեց փորձառու մրցակիցների հետ պայքարում:
Բոլորի հետ լավ ծանոթ էի, չեմպիոնի հետ արդեն 6 տարի է պայքարում եմ:
Արդեն շնորհավորել եմ Արթուր Ալեքսանյանին ոսկե մեդալի համար: Ուրախ եմ նրա հաջողության համար:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
