Ռուսական «Պոբեդա» լոուքոսթեր ավիաընկերությունը կհրաժարվի Դոնի Ռոստովից Երևան չվերթներից՝ «Զվարթնոց» օդանավակայանում ուղևորների սպասարկման բարձր գնի պատճառով: Այդ մասին «Ինտերֆաքս» գործակալությանը հայտնել է ավիաընկերությունում աղբյուրը:
«Մենք որոշել ենք հրաժարվել Երևան թռիչքներից օդանավակայանում ուղևորների սպասարկման չափազանց բարձր արժեքի պատճառով: «Զվարթնոցում» այն մեկ մարդու համար կազմում է 50 եվրո՝ ավելին, քան մեր սակագինը»,- ասել է գործակալության զրուցակիցը:
Նա հավելել է, որ միջինն օդանավակայանի սպասարկման համար «Պոբեդա»-ի արտասահմանյան երթուղիների ցանցի սակագինը կազմում է մեկ մարդու համար 10 եվրո, իսկ որոշ օդանավակայաններում այն նույնիսկ անվճար է:
Շաբաթական չորս անգամ Դոնի Ռոստով- Երևան կանոնավոր չվերթների թույլտվությունը «Պոբեդա»-ն ստացել է հուլիսին, սակայն թռիչքներն այդպես էլ չեն սկսվել:
Բացի այդ, հոկտեմբերին հաղորդվել է, որ «Պոբեդա» ավիաընկերությունը, որը մտնում է «Աերոֆլոտ» խմբի մեջ, դեպի Գյումրի չվերթների իրականացման թույլտվություն է ստացել:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
