«Հայկական ժամանակ» թերթը գրում է.
«ԲՀԿ-ական պատգամավոր Լյովա Խաչատրյանը մեզ հետ զրույցում հաստատեց, որ կուսակցության համագումարի անցկացման ժամկետը պայմանավորված է նաև Գագիկ Ծառուկյանի որոշման հետ՝ վերադառնալո՞ւ է նա ակտիվ քաղաքականություն, թե՝ ոչ:
Հիշեցնենք, որ օրեր առաջ պատասխանելով քաղաքականություն վերադառնալու վերաբերյալ հարցին՝ Ծառուկյանը հայտարարել էր, որ եթե իրեն շատ խնդրեն, կբացի փակած գիրքը:
Մեր այն հարցին, թե ով պետք է Ծառուկյանին խնդրի, Լ. Խաչատրյանը պատասխանեց. «Միանշանակ ժողովուրդը չէ, իշխանական համակարգը: Ժողովուրդը երբեք չի կարող խնդրել, ժողովուրդը որոշում է, պահանջում, պարտադրում է: Նա նկատի է ունեցել այն մարդկանց, որոնք երկիրը բերեցին այս օրին, ինչը կարող է համաժողովրդական դժգոհության ալիք բարձրացնել»: Իսկ եթե իշխանությունները չխնդրե՞ն Ծառուկյանին:
«Չխնդրեն, կարող է մնան ալիքի տակ: Բոլորը պարտավոր են ժողովրդի պահանջին անսալ ու ենթարկվել, այդ թվում նաև՝ Գագիկ Ծառուկյանը»,- պատասխանեց Լյովա Խաչատրյանը: Իսկ թե իշխանությունները Ծառուկյանին ինչպես կխնդրեն վերադառնալ քաղաքականություն՝ թաքուն, թե հրապարակավ, պատգամավորի խոսքերով՝ արդեն էական չէ, ձևերը տարբեր են»:
Ավելի մանրամասն կարդացեք թերթի այսօրվա համարում:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
