Բացվելու ժեստեր

Բացելով ձեռքերը՝ ափերը դեպի վեր, մարդ ցույց է տալիս, որ բաց է։ Նման ժեստը կարող է ուղեկցվել նաեւ ուսերը թափահարելով։

Բաց լինելու նշաններից մեկն է համարվում նաեւ «պիջակն արձակելը»։ Դա նշանակում է զրուցակցի նկատմամբ բարեկամական տրամադրվածություն։

«Սիրահետման» կամ «գեղեցկանալու» ժեստեր

Նման ժեստերը հատկապես տարածված են կանանց մոտ։ Օրինակ՝ երբ նրանք ուղղում են սանրվածքը, հագուստը կամ իրենց հայելու մեջ նայում։ Տղամարդիկ հաճախ ուղղում են փողկապը, ճարմանդները, ուղղում մեջքն ու ձգում որովայնը։

Գերակայության-ենթարկվածության ժեստեր

Գերակայողի կամ ենթարկվողի դերին պատրաստակամությունը վառ արտահայտվում է ձեռքսեղմման ժամանակ։ Եթե մարդը ձեռքը տալիս է այնպես, որ այն լինի ձեր ձեռքի մակերեսին, ապա դա ֆիզիկական գերակայությունն արտահայտելու վառ ցանկություն է։ Իսկ եթե նա մեկնում է ձեռքը՝ ափը վերեւում, ապա պատրաստ է ենթարկվողի դերին։

Գնահատման ժեստեր

Կրիտիկական գնահատականի տարածված ժեստը կոչվում է «սպասենք, տեսնենք»։ Եթե զրուցակիցը գնահատում է որեւէ բան, կզակը հենվում է ձեռքի ափին, իսկ ցուցամատն անցնում այտի վրայով։

Խորը խնդրի շուրջ մտածելիս մարդը ձեռքով հենվում է այտին։ Եթե նա սկսում է մաքրել ակնոնցերը, ապա դա նշանակում է, որ նա ցանկանում է մտածել տվյալ դրության շուրջ։

Ձանձրույթի ժեստեր

Անհետաքրքիր խորհրդակցության կամ հեռախոսազրույցի ժամանակ մարդիկ հաճախ սկսում են ինչ-որ բան նկարել թղթի վրա։ Այդ ցանկությունը ծագում է ենթագիտակացական մակարդակում։

Ձեռքը հենելով գլխին՝ մենք եւս ցուցադրում ենք մեր ձանձրույթը։ Նման ժեստը բնութագրվում է որպես «գլուխը կախ չգցելու» փորձ, քանի որ այդ ժամանակ մարդը ցանկանում է քնել։

Կասկածի եւ գաղտնիության ժեստեր

Երբ տեսնում ենք, որ զրուցակցի ձեռքը ծածկում է բերանը, դա ազդանշան է այն մասին, որ նա թաքցնում է իր դիրքորոշումը։ Շուրթերով հպվելով գրչին, գինու բաժակին կամ ինչ-որ մի բանի՝ նա ինքն իրեն արգելում է ասել այն, ինչ մտածում է։

Հոգեբանները վաղուց են նկատել, որ զրույցի ընթացքում քթին հպումը խոսում է զրուցակի անկեղծ չլինելու եւ նրա բացահայտ ստի մասին։

Ինքնավերահսկողության ժեստեր

Հույզերին տիրապետելու ցանկության դեպքում մարդը ձեռքերը «թաքցնում է» մեջքի հետեւում՝ դրան ուժգին սեղմելով։ Ինքնավերահսկողությունը թաքցնելու հայտնի ժեստերից է «ձեռքերն արմնկակալներին»։