Lragir.am-ը գրում է.

Վաղը կկայանա Անգլիայի Պրեմիեր լիգայի 26-րդ տուրում հետաձգված «Մանչեսթեր Սիթի»-«Մանչեսթեր Յունայթեդ» կարևորագույն հանդիպումը: Մանչեսթերյան այս դերբին շատերի կարծիքով կարող է վճռորոշ դառնալ մրցանակային եռյակի համար պայքարում: Հաղթանակի դեպքում «Յունայթեդը» միավորների քանակով կհավասարվի երրորդ հորիզոնականում գտնվող «Լիվերպուլին»: Վերջինս Ժոզե Մոուրինյոյի գլխավորած թիմից երկու հանդիպում ավելի է անցկացրել:

«Առաջիկա հանդիպումը մեզ համար կարող է դառնալ մրցաշրջանի խաղը: «Սիթիին» զիջում ենք ընդամենը մեկ միավորով և հաղթելու դեպքում լուրջ նախադրյալներ կստեղծենք լավագույն քառյակում տեղ զբաղեցնելու և հաջորդ մրցաշրջանում Չեմպիոնների լիգայի խաղարկությունում հանդես գալու: Պարտության դեպքում կհայտնվենք բավական ծանր իրավիճակում: Կասկածից վեր է, որ դերբին վճռորոշ է լինելու մեզ համար»,- ասել է «Մանչեսթեր Յունայթեդի» հենակետային կիսապաշտպան Անդեր Էրերան:

2016 թվականի սեպտեմբերին Պրեմիեր լիգայի առաջին շրջանի շրջանակներում «Օլդ Տրաֆորդում» կայացած մանչեսթերյան դերբիում Մոուրինյոյի թիմը պարտվել էր 1:2 հաշվով: Այդ հանդիպման մեկնարկային կազմում էր Հայաստանի հավաքականի ավագ Հենրիխ Մխիթարյանը: Նրա խաղը այդ օրը չստացվեց, ինչի հետևանքով մեր ֆուտբոլիստը առաջին խաղակեսից հետո փոխարինվեց և տևական ժամանակ դուրս մնաց «Յունայթեդի» հիմնական կազմից: «Սիթիի» դեմ մրցավեճում Մոուրինյոն Մխիթայանին հրահանգել էր գործել կիսապաշտպանության ձախ եզրում, իսկ Լինգարդը խաղում էր աջից: Առաջին կեսից հետո, Մխիթարյանից բացի, փոխարինվեց նաև Լինգարդը:

Դժվար է ասել, թե այս անգամ ինչ մարտավարություն կորդեգրի Մոուրինյոն, բայց Մխիթարյանի՝ հիմնական կազմում խաղալում հավանականությունը բավական մեծ է: «Սիթիի» դեմ առաջին մրցավեճը մեր ֆուտբոլիստի համար բացասական ազդեցություն ունեցավ, և կարելի է ասել, որ վաղվա հանդիպումը Մխիթարյանի համար ինչ-որ տեղ կլինի նաև վրեժի հանդիպում: Մխիթարյանը պետք է ապացուցի, որ կարող է բարձրակարգ խաղ ցուցադրել նաև դերբիներում, և «Սիթիի» հետ առաջին մրցավեճում անհաջող խաղը ինչ-որ տեղ նաև մարտավարական սխալի հետևանք էր:

Նշենք, որ «Սիթիի» հետ հանդիպմանը չի մասնակցի «Յունայթեդի» ևս մեկ առաջատար կիսապաշտպան՝ Պոլ Պոգբան, ինչը կարող է էլ ավելի բարդացնել Մոուրինյոյի գործը: Կարևորագույն այս մրցավեճում Պոգբայի, Մատայի, Իբրահիմովիչի բացակայության պարագայում Մխիթարյանին պահեստայինների նստարանին թողնելն ուղղակի անմտություն կլինի: Կիսապաշտպանությունում առկա բացը լրացնելու համար, կարծում ենք, Մխիթարյանից բացի՝ հիմնական կազմում կլինի Ուեյն Ռունին, ով Պրեմիեր լիգայի 34-րդ տուրում «Բարնլիի» հետ մրցավեճում բավական հաջող հանդես եկավ:

Փորձենք պատկերացնել, թե ինչպիսի կազմով և մարտավարությամբ հանդես կգա «Յունայթեդը» մանչեսթերյան դերբիում: Դարպասում կլինի Դե Խեան: Պաշտպանության կենտրոնական հատվածում կգործեն Դարմիանը, Բլինդը և Բային: Աջ եզրում կխաղա Վալենսիան, իսկ ձախից՝ Շոուն: Երեք կենտրոնական պաշտպանների առկայության պարագայում, կարծում ենք, Մոուրինյոն կխաղա մեկ հենակետային կիսապաշտպանով՝ ի դեմս Էրերայի: Կիսապաշտպանության ձախ եզրում կլինի Ռունին, իսկ աջ եզրում՝ Մխիթարյանը: Առջևի գծում որպես նոմինալ հարձակվողներ կխաղան Մարսիալն ու Ռեշֆորդը:

Բրիտանական որոշ պարբերականներ «Յունայթեդի» հիմնական կազմում Ռունիի փոխարեն տեսնում են Լինգարդին: Վերջինս Անգլիայի Պրեմիեր լիգայի վերջին 4-5 հանդիպումներում փոխարինվել է, ինչը վկայում է, որ Մոուրինյոն այնքան էլ գոհ չէ այս ֆուտբոլիստի խաղից: Չի բացառվում, որ ձախ եզրային պաշտպանի գոտում խաղա Էշլի Յանգը, ով ունենալով բարձր արագություն՝ ոչ միշտ է կայուն խաղ ցուցադրում:

Մանչեսթերյան դերբիից ընդամենը երեք օր անց «Յունայթեդը» Պրեմիեր լիգայի 35-րդ տուրի շրջանակներում կհյուրընկալի «Սուոնսիին»:Վաղը կկայանա Անգլիայի Պրեմիեր լիգայի 26-րդ տուրում հետաձգված «Մանչեսթեր Սիթի»-«Մանչեսթեր Յունայթեդ» կարևորագույն հանդիպումը: Մանչեսթերյան այս դերբին շատերի կարծիքով կարող է վճռորոշ դառնալ մրցանակային եռյակի համար պայքարում: Հաղթանակի դեպքում «Յունայթեդը» միավորների քանակով կհավասարվի երրորդ հորիզոնականում գտնվող «Լիվերպուլին»: Վերջինս Ժոզե Մոուրինյոյի գլխավորած թիմից երկու հանդիպում ավելի է անցկացրել:

«Առաջիկա հանդիպումը մեզ համար կարող է դառնալ մրցաշրջանի խաղը: «Սիթիին» զիջում ենք ընդամենը մեկ միավորով և հաղթելու դեպքում լուրջ նախադրյալներ կստեղծենք լավագույն քառյակում տեղ զբաղեցնելու և հաջորդ մրցաշրջանում Չեմպիոնների լիգայի խաղարկությունում հանդես գալու: Պարտության դեպքում կհայտնվենք բավական ծանր իրավիճակում: Կասկածից վեր է, որ դերբին վճռորոշ է լինելու մեզ համար»,- ասել է «Մանչեսթեր Յունայթեդի» հենակետային կիսապաշտպան Անդեր Էրերան:

2016 թվականի սեպտեմբերին Պրեմիեր լիգայի առաջին շրջանի շրջանակներում «Օլդ Տրաֆորդում» կայացած մանչեսթերյան դերբիում Մոուրինյոյի թիմը պարտվել էր 1:2 հաշվով: Այդ հանդիպման մեկնարկային կազմում էր Հայաստանի հավաքականի ավագ Հենրիխ Մխիթարյանը: Նրա խաղը այդ օրը չստացվեց, ինչի հետևանքով մեր ֆուտբոլիստը առաջին խաղակեսից հետո փոխարինվեց և տևական ժամանակ դուրս մնաց «Յունայթեդի» հիմնական կազմից: «Սիթիի» դեմ մրցավեճում Մոուրինյոն Մխիթայանին հրահանգել էր գործել կիսապաշտպանության ձախ եզրում, իսկ Լինգարդը խաղում էր աջից: Առաջին կեսից հետո, Մխիթարյանից բացի, փոխարինվեց նաև Լինգարդը:

Դժվար է ասել, թե այս անգամ ինչ մարտավարություն կորդեգրի Մոուրինյոն, բայց Մխիթարյանի՝ հիմնական կազմում խաղալում հավանականությունը բավական մեծ է: «Սիթիի» դեմ առաջին մրցավեճը մեր ֆուտբոլիստի համար բացասական ազդեցություն ունեցավ, և կարելի է ասել, որ վաղվա հանդիպումը Մխիթարյանի համար ինչ-որ տեղ կլինի նաև վրեժի հանդիպում: Մխիթարյանը պետք է ապացուցի, որ կարող է բարձրակարգ խաղ ցուցադրել նաև դերբիներում, և «Սիթիի» հետ առաջին մրցավեճում անհաջող խաղը ինչ-որ տեղ նաև մարտավարական սխալի հետևանք էր:

Նշենք, որ «Սիթիի» հետ հանդիպմանը չի մասնակցի «Յունայթեդի» ևս մեկ առաջատար կիսապաշտպան՝ Պոլ Պոգբան, ինչը կարող է էլ ավելի բարդացնել Մոուրինյոյի գործը: Կարևորագույն այս մրցավեճում Պոգբայի, Մատայի, Իբրահիմովիչի բացակայության պարագայում Մխիթարյանին պահեստայինների նստարանին թողնելն ուղղակի անմտություն կլինի: Կիսապաշտպանությունում առկա բացը լրացնելու համար, կարծում ենք, Մխիթարյանից բացի՝ հիմնական կազմում կլինի Ուեյն Ռունին, ով Պրեմիեր լիգայի 34-րդ տուրում «Բարնլիի» հետ մրցավեճում բավական հաջող հանդես եկավ:

Փորձենք պատկերացնել, թե ինչպիսի կազմով և մարտավարությամբ հանդես կգա «Յունայթեդը» մանչեսթերյան դերբիում: Դարպասում կլինի Դե Խեան: Պաշտպանության կենտրոնական հատվածում կգործեն Դարմիանը, Բլինդը և Բային: Աջ եզրում կխաղա Վալենսիան, իսկ ձախից՝ Շոուն: Երեք կենտրոնական պաշտպանների առկայության պարագայում, կարծում ենք, Մոուրինյոն կխաղա մեկ հենակետային կիսապաշտպանով՝ ի դեմս Էրերայի: Կիսապաշտպանության ձախ եզրում կլինի Ռունին, իսկ աջ եզրում՝ Մխիթարյանը: Առջևի գծում որպես նոմինալ հարձակվողներ կխաղան Մարսիալն ու Ռեշֆորդը:

Բրիտանական որոշ պարբերականներ «Յունայթեդի» հիմնական կազմում Ռունիի փոխարեն տեսնում են Լինգարդին: Վերջինս Անգլիայի Պրեմիեր լիգայի վերջին 4-5 հանդիպումներում փոխարինվել է, ինչը վկայում է, որ Մոուրինյոն այնքան էլ գոհ չէ այս ֆուտբոլիստի խաղից: Չի բացառվում, որ ձախ եզրային պաշտպանի գոտում խաղա Էշլի Յանգը, ով ունենալով բարձր արագություն՝ ոչ միշտ է կայուն խաղ ցուցադրում:

Մանչեսթերյան դերբիից ընդամենը երեք օր անց «Յունայթեդը» Պրեմիեր լիգայի 35-րդ տուրի շրջանակներում կհյուրընկալի «Սուոնսիին»: