«Ռեալի» գլխավոր մարզիչ Զինեդին Զիդանը կիսվել է Չեմպիոնների լիգայի եզրափակչի՝ «Յուվենտուսի» հետ խաղից ունեցած սպասելիքներով, որտեղ ինքը հանդես է եկել որպես ֆուտբոլիստ.
«Յուվենտուսում ես հասունացել եմ և ավելի ուժեղ ֆուտբոլիստ եմ դարձել: Սա մեծագույն ակումբ է: Թուրինցիների հետ եզրափակիչ խաղն ինձ համար առանձնահատուկ կլինի, քանի որ ես առաջվա պես այդ ակումբը պահում եմ իմ սրտում»,- ասել է Զիդանը:
Մասնագետը նշել է,որ «Ռեալին» ոչ մի դեպքում չի կարելի ֆավորիտ համարել այդ խաղում.
«Հրաշալի եզրափակիչ կլինի: Երկու թիմերն էլ արժանիորեն են հայտնվել վճռորոշ փուլում: Կպատրաստվենք, բայց նախևառաջ պետք է կարևոր հանդիպում անցկացնենք Իսպանիայի առաջնության շրջանակում:
«Ռեալին» ոչ մի դեպքում չի կարելի ֆավորիտ անվանել «Յուվենտուսի» հետ մրցավեճում: Թուրինցիներին գոլ խփելը չափազանց դժվար կլինի: Պաշտպանությունն էլ «Յուվեի» միակ ուժեղ կողմը չէ: Նրանք նաև հիանալի հարձակվողներ ունեն»,- Զիդանի խոսքերն է փոխանցում «Football Italia»-ն:
Հիշեցնենք՝ Չեմպիոնների լիգայի եզրափակիչը կկայանա հունիսի 3-ին Քարդիֆում:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
