Քեյթ Միդլթոնը լուրջ մրցակցուհի է ձեռք բերել։ Արքայազն Հարիի հարսնացուն՝ 36-ամյա ամերիկացի դերասանուհի Մեգան Մարքլն, ըստ երեւույթին, Քեյթին կզրկի «Բրիտանական ոճի կուռք» տիտղոսից։ Այն օրը, երբ հայտնի դարձավ արքայազն Հարրիի նշանադրության մասին, բրիտանացիներն արդեն սկսեցին ուշադրություն դարձնել ամերիկուհու նրբաճաշակ ոճին, իսկ երեկ, երբ Հարրին ու Մեգանն առաջին անգամ պաշտոնապես որպես նշանված զույգ Նոթինգհեմ էին այցելել, Մարքլի հագուստի ու կոշիկի ապրանքանիշների արտադրանքը հաշշված րոպեներում սպառվել է առցանց վաճառքի միջոցով։
Մեգանն իր առաջին պաշտոնական այցելության համար ընտրել էր Mackage ապրանքանիշի քաշմիրից երկարափեշ վերարկու (750 դոլար), Wolford-ից սեւ փակ վզով բլուզ (250 դոլար), Joseph կիսաշրջազգեստ (800 դոլար), Kurt Geiger երկարաճիտ կոշիկ (265 դոլար) եւ Strathberry պայուսակ (675 դոլար)։ Վերարկուն, կիսաշրջազգեստն ու պայուսակը մինչեւ օրվա վերջ արդեն ամբողջությամբ վաճառվել էին։
Դրան հավելենք նաեւ կանադական LINE ապրանքանիշի սպիտակ զգեստը, որով Մեգանը լուսանկարվել էր արքայազն Հարրիի հետ առաջին ֆոտոշարքում՝ այն նույնպես հաշված ժամերի ըթնացքում գնվել էր։
Մարքլի կերպարի վրա աշխատում է 37-ամյա կանադացի ոճաբան Ջեսսիկա Մալրունին, որն ի դեպ Մեգանի ընկերուհին է։
Նյութի աղբյուրը` NEWS.am STYLE
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
