Հունվարի 6-ին Արցախում դժբախտ պատահարի հետեւանքով մահացած պայմանագրային զինծառայող Մհեր Զիրոյանը Գյումրիից էր: NEWS.am-ի հետ զրույցում նրա հորեղբորորդին՝ Արթուր Զիրոյանը նշեց, որ դեպքի օրը Մհերը դիրքերից է իջել, նախնական տվյալներով, խեղդվել է շմոլ գազից՝ լոգասենյակում:
«Դիրքերից էր իջել, մտել է, որ լողանա, էդ դեպքը եղել է: Նա էսօր պետք է գար տուն, պատրաստվել է, որ գա, եւ դժբախտ դեպքը եղել է: Այս պահին այսքանը գիտենք»,- ասաց նա:
Արթուր Զիրոյանը նշեց, որ Մհերը ծառայում էր Հադրութում, եղել է ապրիլյան պատերազմի մասնակից, որի ժամանակ վիրավորում է ստացել. «Վաշտի հրամանատար էր, էդ օրերին վիրավորում էր ստացել որովայնի շրջանում»:
Մհերը ծառայության էր անցել Վազգեն Սարգսյանի անվան ռազմական ինստիտուտն ավարտելուց հետո: Ունի ավագ եղբայր եւ կրտսեր քույր:
Ավելի վաղ Արցախի ՊՆ-ն տեղեկացրել էր, որ հունվարի 6-ին ժամը 02:10-ի սահմաններում դժբախտ պատահարի հետեւանքով մահացել է ՊԲ պայմանագրային զինծառայող, 1992 թվականին ծնված Մհեր Վանիկի Զիրոյանը: Նախնական տվյալներով՝ զինծառայողը թունավորվել է շմոլ գազից:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
