Անցած կիրակի Օմսկում հայազգի ռուսաստանցի ոստիկան Արման Կարապետյանը հաշված րոպեների ընթացքում գտել է կորած 8-ամյա աղջնակին, ինչով արժանացել է ղեկավարության եւ երեխայի մոր շնորհակալությանը, հայտնում են ՌԴ ՆԳՆ Օմսկի վարչության մամուլի ծառայությունից:
Անմիջապես դեպքի վայր է ուղարկվել օպերատիվ-հետաքննչական խումբ, անչափահասների հարցերով տեսուչը:
Ոստիկանները նախապես պարզել են, որ դիմողը երեխային թողել է իր քրոջ մոտ, իսկ ինքը կարճ ժամանակով աշխատանքի է գնացել: Երբ օմսկուհին եկել է դստեր հետեւից, նա փողոցում զբոսնում էր, սակայն ո՛չ շենքի, ո՛չ հարեւան բակում չկար: Կանայք անհապաղ դիմել են ոստիկանների օգնությանը:
Մինչ աշխատակիցներից ոմանք հարցուփորձ էին անում մորը, պարզում ականատեսներին, օպերլիազոր Արման Կարապետյանը, ունենալով երեխայի նշանները, սկսել է ստուգել մերձակա բակերը: Դրանցից մեկում էլ նա գտել է աղջնակին, որը ճոճանակի վրա ճոճվում էր: Ոստիկանությանը դիմելուց մինչեւ 8-ամյա աղջկան գտնելը 25 րոպե է տեւել:Ներկայումս երեխան մոր մոտ է, նրա մոտ ամեն ինչ նորմալ է:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
