Նիկոլ Փաշինյանը հայտարարել է հզոր ավտոերթի մասին
Նիկոլ Փաշինյանը Ֆրանսիայի հրապարակում հայտարարել է, որ ՀՀԿ Խորհրդի նիստի ընթացքում ՀՀԿ գրասենյակը շրջափակելու մտադրությունը չեն իրականացնի, քանի որ ՀՀԿ-ն որոշել է խորհրդի նիստը անել Ծաղկաձորում:
ՀՀԿ Խորհրդի նիստում պետք է կայացվի վարչապետի պաշտոնում Սերժ Սարգսյանի վերջնական առաջադրման որոշումը: Քաղաքացիական պայմանագիրը, որ հայտարարել է Սարգսյանի վարչապետությունը կանխելու միջոցառումների մասին, մտադրվել էր ՀՀԿ Խորհրդի նիստի ընթացքում շրջափակել շենքը:
Թեեւ ՀՀԿ-ն կայացրել է Խորհրդի նիստը Ծաղկաձորում անցկացնելու որոշում՝ Գոլդեն Փալաս հյուրանոցում, այդուհանդերձ Քաղաքացիական պայմանագիրը չի հրաժարվում խանգարելու մտադրությունից, եւ Նիկոլ Փաշինյանը հայտարարել է, որ ծրագրել են հզոր ավտոերթ անել դեպի Ծաղկաձոր: Նիկոլ Փաշինյանը հայտարարել է, որ ավտոերթը մեկնարկելու է Հարսնաքար ռեստորանի դիմացից, 16.30-ին: Նա բոլոր քաղաքացիներին կոչ է արել իրենց մեքենաներով միանալ երթին, որպեսզի այն լինի բավական հզոր:
Նիկոլ Փաշինյանը նախօրեին հայտարարել էր, որ այս օրերին ուր էլ գնա Սերժ Սարգսյանը, իրենց շարժումը հետապնդելու է նրան:
Նյութի աղբյուրը՝ Lragir.am
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
