Նոր Հաճն քաղաքի բնակչուհի Ե.Կարախանովային մեղադրանք է առաջադրվել հափշտակության համար: Այս մասին տեղեկացնում է «Ժողովուրդ» թերթը:
Թերթի տեղեկացմամբ` մասնավորապես, ըստ մեղադրանքի, 2012թ. օգոստոսի սկզբին նախնական հանցավոր համաձայնության գալով Գեղարքունիքի մարզի Դպրաբակ գյուղի բնակիչ Վ.Սարգսյանի հետ, Ե.Կարախանովան խաբեությամբ, վստահությունը չարաշահելու միջոցով մի քանի անձանցից գումարներ է հափշտակել:
Կարախանովան Վ.Սարգսյանի հետ Իջևանի թվով չորս բնակիչներից, ինչպես նաև Կայան ավանի մի բնակչից հափշտակել է գումարներ` առաջին չորս անձանց պարագայում վերավաճառելով նրանցից վերցված ոսկե զարդերը:
Դատաքննության ընթացքում Ե.Կարախանովան իրեն մեղավոր չի ճանաչել:
Տավուշի մարզի ընդհանուր իրավասության առաջին ատյանի դատարանը հունիսի 11-ի դատավճռով Ե.Կարախանովային մեղավոր է ճանաչել ՀՀ քրեական օրենսգրքի 178-րդ հոդվածի 2-րդ մասի 1-ին կետով և դատապարտել ազատազրկման` 3 տարի ժամկետով:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
