Լոնդոնի «Արսենալի» կիսապաշտպան Հենրիխ Մխիթարյանը մեկնաբանել է Անգլիայի առաջնության 15-րդ տուրում իր նախկին ակումբ «Մանչեսթեր Յունայթեդի» հետ արտագնա ոչ ոքին 2:2 հաշվով:
«Շատ հիասթափված ենք, քանի որ պետք է հաղթեինք այս խաղում: Մենք արժանի էինք հաղթանակի: Մինչեւ վերջ փորձում էինք խփել երրորդ գոլը, սակայն չկարողացանք: Եթե նույնիսկ կա ֆիզիկական հոգնածություն, կարեւոր է պահպանել մտքի ու խելքի թարմությունը: Եթե դա հաջողվում է, ապա կարող ես ոտքերին ստիպել ենթարկվել քեզ եւ առավելագույն աշխատանք կատարել մինչեւ վերջ: Շատ էինք ցանկանում հաղթել «Օլդ Տրաֆորդում»: Հասկանում ենք, որ այստեղ հաղթելը միշտ բարդ է, սակայն, եթե ցանկանում ենք լինել լավագույն քառյակում, պետք է հաղթենք յուրաքանչյուր խաղում»,- Մխիթարյանի խոսքը մեջբերում է «Արսենալի» կայքը:
Հիշեցնենք, որ Մանչեսթերում կայացած խաղում Հայաստանի հավաքականի ավագը փոխարինման դուրս եկավ ընդմիջմանը եւ դարձավ գոլային փոխանցման հեղինակ: Հենրիխ Մխիթարյանը «Մանչեսթեր Յունայթեդում» խաղացել է 2016-ի հուլիսից մինչեւ 2018-ի հունվարը:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
