Պարույր Հայրիկյանն այս քարոզարշավի ժամանակ չի արձանագրել  վարկանիշի կտրուկ աճ, բայց փոխարենը ունեցել է կայուն աճ:  Այս մասին Հայրիկյանն ասաց այսօր լրագրողների հետ  հանդիպման ժամանակ :

 Պարույր Հայրիկյանը մեկնաբանելով իր ՍԴ  ներկայացրած, ապա ետ վերցրած դիմումը ասաց.« Իրականում ես դիմումը տալու պահին տեղեկացրել էի, որ չեմ բացառում հետ վերցնելը, սակայն ես ծրագրում էի դա անել 3 օրվա ընթացքում:  Թղթերը հանձնելուց հետո պարզվեց, որ օրենքով միայն մեկ օր ժամանակ ունեմ»:

 Հայրիկյանը նշեց, որ ինքը կանգնած է եղել Հայրիկյան քաղաքական գործչի և Հայրիկյան նախագահի թեկնածուի երկընտրանքի առջև: «Բնականաբար ես ընդհանրական իրավիճակին պետք է տայի նախապատվությունը, քանի որ ահաբեկչությունը կատարված է ոչ թե իմ դեմ, այլ  կատարված էր մեր  նաև  ժողովրդավրության դեմ»,- հայտարարեց  նախագահի թեկնածուն և հավելեց, որ ընտրությունները չհետաձգելով  նպաստում է, որ նախագահի մեկ այլ թեկնածու` Անդրիաս Ղուկասյանը չմահանա, քանի  որ նրա վիճակը Հայրիկյանը ծանր է գնահատում:

Պատասխանելով Yerevannews.am-ի այն հարցին, թե ՍԴ-ից դիմում վերցնելուց առաջ արդյո՞ք հանդիպել է գործող նախագահ, նախագահի թեկնածու Սերժ Սարգսյանի հետ  և եթե այո, ապա  դա ազդե՞լ է որոշում կայացնելու վրա`    Հայրիկյանն ասաց.« ՍԴ դիմումը տալուց, ոչ թե վերցնելուց առաջ:  Տալուց առաջ Սերժ Սարգսյանն այցելել է ինձ հիվանդանոց, որովհետև բժիշկներն ասում էին  «և բուժումը և ապաքինումը և  միաժամանակ տարօրինակ բան է կատարվում» : Չգիտեմ , չեմ կարծում, որ ինքը ազնիվ չէր, իսկապես անհանգիստ էր, թե վերջապես ինչ էր կատարվում : Այցելությունը բազմաթիվ այցելություններից մեկն էր, խոսել ենք առողջական վիճակիս մասին: Ծրագրերի  կամ քաղաքական որևէ լուրջ հարցի մասին չենք խոսել, ուր մնաց Սահմանադրական դատարան չդիմելու»:

Հայրիկյանը ավելացրեց, որ մինչ հանդիպումը ինքը հրապարակային հայտարարել է ՍԴ դիմելու մասին, սակայն նախագահ Սարգսյանը որևէ բան չի ասել դրա հետ կապված.«Եվ ինքը կարծում եմ ինքն իրեն այնքան է հարգում, որ իմանա, որ Հայրիկյանին որևէ բան չի կարելի խնդրել ի հեճուկս իր ցանկության»,- առանձնացրեց ԱԻՄ առաջնորդ Պարույր Հայրիկյանը: