Հետեւյալ 12 զույգն ամենավատն են կենդանակերպի տեսանկյունից.

1. Խոյ եւ Ցուլ: Խոյերը չափազանց կամային են, իսկ Ցլերը` համառ, այդ պատճառով խնդիր է առաջանում, այն լուծելը գուցե շատ բարդ լինի: Ցլերը մշտապես ցանկանում են իմանալ, թե հարաբերությունների որ փուլում են իրենք, իսկ դա չափազանց նյարդայնացնում է Խոյին: Բաժանվելիս Խոյը ցանկանում է ուղղակի հեռանալ եւ մոռացվել, իսկ Ցուլն անընդհատ բացատրություններ է պահանջում:

2. Ցուլ եւ Աղեղնավոր: Ցուլը նախընտրում է ժամանակ անցկացնել ընտանեկան հանգիստ միջավայրում, իսկ Աղեղնավորին մշտապես ինչ-որ արկածներ են անհրաժեշտ: Ցլերն ուղղակի չեն դիմանում Աղեղնավորների հսկայական էներգիային: Վերջիններս էլ սովորաբար ամեն ինչ լուրջ չեն ընդունում եւ ուսերի հետեւում հարաբերությունների հարուստ փորձ ունեն:

3. Երկվորյակներ եւ Այծեղջյուր: Այդ միությունն իսկական աղետ է: Երկվորյակները շատ են սիրում ուրախ եւ մշտական զրույցներ, իսկ Այծեղջյուրները ծայրաստիճան աշխատասեր են եւ սիրում են պլանավորել իրենց կյանքի յուրաքանչյուր մանրամասնը: Այծեղջյուրներին բնորոշ չէ ինքնաբուխությունը, ինչը շատ է ձանձրացնում Երկվորյակներին:

4.Խեցգետին եւ Ջրհոս: Խեցգետինները մեծ տնակյացներ են, իսկ Ջրհոսները ազատասերներ են: Խեցգետինները կարիք ունեն իմանալու, որ իրենց սիրում են, այդ պատճառով նրանց կնյարդայնացնի Ջրհոսների` իրենց սխալները մատնանշելու եւ քննադատելու հակումը:

5.Առյուծ եւ Կարիճ: Կարիճը չի գովի եւ հաճոյախոսություններ չի անի Առյուծին, որին դրանք այնքան անհրաժեշտ են: Առյուծներն իրենց սքանչելի են համարում, ինչը չի համապատասպանում Կարիճներին, որոնք սովորաբար խանդոտ են:

6. Կույս եւ Աղեղնավոր: Նրանցից ոչ մեկը հակված չէ լուրջ հարաբերությունների: Աղեղնավորները չափազանց անհոգ են (Կույսերի կարծիքով) եւ չեն մտածում, թե իրենց արարքներն ինչպես կարող են վիրավորել ուրիշների զգացմունքները: Երբ նրանք մի քանի շաբաթով անհետանում են, դա Կույսերի համար նորմալ չէ:

7. Կշեռք եւ Կույս: Կույսերը հակված են քննադատելու Կշեռքներին, ինչը վերջիններիս ստիպում է կասկածել իրենց ուժերին: Կույսերը միշտ պետք է իրավացի լինեն եւ դա շատ է ազդում նյարդերի վրա:

8. Կարիճ եւ Խոյ: Դա շատ պայթյունավտանգ եւ լարված միություն է, որը լավ է, եթե դուք Շեքսպիրի պիեսի դերասաններ եք, բայց ոչ իրական կյանքի համար: Երկու նշանն էլ ուժեղ են, կամային, ուզում են լիակատար վերահսկողություն ունենալ եւ գագաթնակետում լինել:

9. Աղեղնավոր եւ Այծեղջյուր: Աղեղնավորները միշտ կհանդիմանեն Այծեղջյուրներին, որ նրանք իրենց բավականաչափ ազատություն չեն տալիս ուրախանալու համար: Բացի այդ, այդ երկու նշանի միջեւ սեռական ձգողությունը քիչ է:

10. Ձկներ եւ Կույս: Ձկները Կենդանակերպի ամենաերազկոտ եւ զգայուն նշանն են, իսկ Կույսերը շատ գործնական են եւ գետնին կպած: Այո, հակադրություններն իրար ձգում են, բայց ձեր դեպքում դա շահերի բախում է: Ձկներ, ամբողջությամբ մի ազատվեք ձեր կյանքում Կույսերից, որովհետեւ դուք կարող եք հրաշալի երկարատեւ բարեկամություն ունենալ:

11. Ջրհոս եւ Ցուլ: Այդ նշանները չեն կարող նորմալ շփում ունենալ: Ցուլը կհամառի եւ իրենը կպնդի, ինչը միայն կվանի Ջրհոսին: Ջրհոսներն այնքան բոհեմական եւ անսովոր են, մինչդեռ Ցլերը ավելի նյութական են եւ պահպանողական:

12. Երկվորյակներ եւ Խեցգետին: Այս միությունը կարող է հաջողվել, եթե երկուսն էլ հումորի լավ զգացում ունեն: Երկվորյակները սիրում են շփում եւ հանգիստ, իսկ Խեցգետինները` տանը նստել, բայց եթե դուք ավելի շատ համբերություն եւ ներողամտություն հանդես բերեք, ամեն ինչ կարող է հաջողվել: Դա ամենավատ տարբերակը չէ, բայց իր նրբերանգներն ունի: