Դերասանուհի, հաղորդավարուհի, գեղեցկուհի Նազենի Հովհաննիսյանը միկրոբլոգի իր էջն օգտագործում է ոչ միայն հրապուրիչ, գայթակղիչ լուսանկարներով կիսվելու եւ իր առօրյայի հետաքրքիր հատվածները ներկայացնելու համար, այլեւ իր հետեւորդների հետ հաղորդավարուհին պարբերաբար կիսվում է իր մտահոգություններով, կարծիքով այս կամ այն քաղաքական, սոցիալական հարցի շուրջ, որն էլ ի վերջո վերածվում է երկխոսության:

Հաղորդավարուհին իր Instagram-ում հրապարակել է նոր լուսանկար, որին կից Նազենին խոսել է Հայաստանի մասին եւ շնորհավորելով Հայաստանի տոնը գրել է.

«Հայաստանը... երբ մեկի ձեռքը միշտ «ուսիդ» է, որ միայնակ չզգաս, որ պատեհ առիթին օգնի, կարեկցի կամ ուժ տա։ Երբեմն էլ կանգնեցնի ու սթափեցնի, որ սխալ չգործես կամ չմեծամտանաս։ Երբեմն էլ բռունցք է դառնում ու պարտադրում իր կամքը։

Ես սիրում եմ սիրող ու ամուր այդ ՁԵՌՔԸ, որ կոչվում է Հայաստանի Հանրապետություն։

Շնորհավոր տոնդ Հայերի ԵՐԿԻ՜Ր

Հայաստանի մշտարթուն ՊԱՇՏՊԱՆՆԵՐԻՆ՝ ԲՈԼՈՐ ԶԻՆՎՈՐԱԿԱՆՆԵՐԻՆ ու նրանց ընտանիքներին ի մասնավորի՝ բոլորիս Սերը, շնորհավորանքն ու խոնարհումը: Աստված խաղաղ պահի Երկիրը։

Հ.Գ. Այսօր՝ ժամը 2-3- ը ժամադրում եմ բոլորին՝ տոնական տրամադրությամբ))) Հրապարակում՝ շատրվանների մոտ, ժպտառատ սելֆիների) այսօր քաղաքը Սիրո ԵՐԳ Է Երգում))»:

 

Հիշեցնենք, որ ավելի վաղ նա Instagram-ում հրապարակել էր լուսանկար, որում ներկայացել էր շքեղ զգեստով: Լուսանկարին կից կրկին խոսելով կնոջ մասին, նա կատարել էր հետեւյալ գրառումը. «Երբեմն ակնթարթ է պետք, որ հոգսաշատ իրականությունից հայտնվես մի անիրական հեքիաթում) կնոջը շատ բան պետք չէ, երբեմն ամենաանսպասելի բարի խոսքը, ջերմ ժպիտն ու փոքրիկ արքայադստեր զգեստը կարող են վերադարձնել նրան երազելու ունակությունն ու կտրել առօրյա հոգսերից, այդքան բան: Հայ կինը՝ այդքան ուժեղ և այդքան փխրուն միևնույն ժամանակ)))»: