Էբոլա հեմոռագիկ տենդով վարակված լիբերիացի բժիշկներից մեկը՝ Աբրահամ Բորբորը , ով երկրի մայրաքաղաք Մոնրովիայի հիվանդանոցներից մեկում ZMapp փորձարարական պատվաստանյութով բուժման կուրս էր անցնում, մահացել է: Այս մասին տեղեկությունը Լիբերիայի տեղեկատվության նախարար Լյուիս Բրաունն է տարածել, հաղորդում է Reuters գործակալությունը:
Էբոլա հեմոռագիկ տենդով վարակված 2 լիբերիացի և մեկ նիգերիացի բժիշկներ ZMapp փորձարարական պատվաստանյութով բուժման կուրս էին անցնում Մոնրովիայում: Մասնագետներն առաջին տեղացիներին էին, որոնց փորձարարական դեղամիջոցի օգնությամբ ապաքինվելու հնարավորություն էր առաջարկվել: Նախորդ շաբաթ տեղեկություններ էին ստացվել առ այն, որ երեք աֆրիկացիների առողջական վիճակի «նշանակալի բարելավում» է նկատվում:
Էբոլայի դեմ մշակված ZMapp փորձարարական պատվաստանյութը օգոստոսի առաջին օրերին է Միացյալ Նահանգներից Լիբերիա տեղափոխվել: Առողջապահության համաշխարհային կազմակերպության հաղորդմամբ, ներկայիս դրությամբ դեղամիջոցի առավելագույնը 10-12 սրվակ գոյություն ունի:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
