Հայ-ադրբեջանական շփման գծում վիճակը համեմատաբար հանդարտ է։ Այս մասին այսօր՝ փետրվարի 25-ին, լրագրողներին ասաց Պաշտպանության նախարար Սեյրան Օհանյանը՝ նշելով, որ դա էապես պայմանավորված է հայկական զինված ուժերի պատրաստվածության մակարդակի բարձրացմամբ։
«Մարտական հերթապահության տարրերի կատարելագործման ուղղությամբ ՀՀ եւ ԼՂՀ բանակն անընդհատ աշխատում են, բարելավել ենք դիտարկման համակարգը, ինչը հնարավորություն է տալիս ավելի լավ դիտարկել, հայտնաբերել, կողմնորոշվել եւ որոշումներ ընդունել»,- ասաց նախարարը։
Սեյրան Օհանյանի խոսքով՝ լարվածության թուլացման վրա ազդում են բազմաթիվ գործոններ։
«Ազդեցություն են ունենում քաղաքական միջավայրը, հանդիպումները, եռանախագահների ակտիվությունը, աշխատանքը, որը պետք է տարվի երկու երկրների նախագահների հանդիպման շրջանակներում։ Մենք միշտ որպես ուժային կառույցների ղեկավարներ, հորդորել ենք, որ միջազգային քաղաքական կառույցները այդ հարցը դնեն. կամ պահպանում ենք հրադադարը, կամ ոչ»,- ասաց նախարարը։
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
