Երեւանի քաղաքապետարանի արտաքին ձեւավորման եւ գովազդի վարչությանը հանձնարարվել է Լեզվի պետական տեսչության հետ համատեղ մայրաքաղաքում կազմակերպել շրջայցեր եւ արձանագրել այն գովազդները, որոնք հակասում են Գովազդի եւ լեզվի մասին օրենքների պահանջներին եւ ձեռնարկել համապատասխան քայլեր դրանք շտկելու ուղղությամբ:
Քաղաքապետարանի մամուլի ծառայությունից հայտնում են, որ հանձնարարվել է նաեւ գույքագրել նախորդ տարիներին կառուցված խաղահրապարակները, այգիներն ու պուրակները, ֆուտբոլի դաշտերն ու մարզահրապարակները եւ դրանց պահպանման ուղղությամբ ձեռնարկել անհրաժեշտ միջոցներ:
Մայիսի 24-ին դպրոցների ավարտական դասարանների Վերջին զանգի միջոցառումների վերաբերյալ զեկուցվել է, որ տարվել են նախապատրաստական անհրաժեշտ բոլոր աշխատանքները: Նշվել է նաեւ, որ օրվա գլխավոր միջոցառումը` համերգային ծրագրի տեսքով, տեղի է ունենալու Ազատության հրապարակում:
Քաղաքապետը հանձնարարել է ներկայացնել միջոցառումների ծրագիր՝ հունիսի 1-ին՝ երեխաների պաշտպանության միջազգային օրը, Կենդանաբանական այգում, Հաղթանակ զբոսայգում, Ազատության հրապարակում, ինչպես նաեւ վարչական շրջանների համապատասխան տարածքներում միջոցառումներ կազմակերպելու եւ տոնական մթնոլորտ ապահովելու նպատակով:
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
