News.am-ը գրում է.
ՀՀ ՊՆ N զորամասի ահպանության տեղամասի մարտական դիրքում մայիսի 14-ին մահացած ժամկետային զինծառայող Արշակ Արշակյանը բանակում որեւէ խնդիր չի ունեցել: Այս մասին այսօր՝ մայիսի 15-ին, NEWS.am-ի հետ զրույցում ասաց նրա հորեղբայրը: Նա նշեց, որ Արշակը որեւէ բողոք չի ներկայացրել, նա ծառայակիցների հետ խնդիր չի ունեցել: Երբ վերջին անգամ հարազատները հեռախոսով զրուցել են նրա հետ, տրմադրությունը բարձր է եղել:
Արշակ Արշակյանը Կոտայքի մարզի Բյուրեղավան քաղաքից էր, միակողմանի ծնողազուրկ:
19-ամյա Արշակի հայրը մահացել է Ռուսաստանի Դաշնությունում արտագնա աշխատանքի ժամանակ, կրտսեր սերժանտը բնակվում էր մոր եւ եղբոր հետ: Թե որն է եղել զինծառայողի մահվան պատճառը, հայտնի չէ:
Ավելի վաղ Քննչական կոմիտեն հայտնել էր, որ մայիսի 14-ին ժամը 15:15-ի սահմաններում ՀՀ ՊՆ N զորամասի պահպանության տեղամասի մարտական դիրքում հայտնաբերվել է պարտադիր ժամկետային զինծառայող, կրտսեր սերժանտ Արշակ Վահագնի Արշակյանը՝ կզակի շրջանում հրազենային մարմնական վնասվածքով:
Քննչական կոմիտեում քննություն է տարվում՝ պարզելու Ա.Արշակյանի մահվան հանգամանքները:
Նյութի աղբյուրը՝ News.am
Америабанк предоставил бизнес-кредиты на сумму более 14 млрд драмов в сфере возобновляемой энергетики
Применение «умных» решений в финансовых компаниях: Америабанк – партнер саммита Silicon Mountains 2022
