«Հայկական ժամանակ» թերթը գրում է.
«ՀՀ ոստիկանության Երևան քաղաքի վարչության օպերգծով այլևս նախկին տեղակալ Արթուր Մեհրաբյանն արտագաղթել է Հայաստանից: «ՀԺ»-ին հայտնի դարձավ, որնա գրին քարտ է շահել և օրերս մեկնել է ԱՄՆ:
Մեհրաբյանին ՀՀ ոստիկանապետ Վլադիմիր Գասպարյանը զբաղեցրած պաշտոնից սեփական դիմումի համաձայն ազատել էր ընդամենը 2 շաբաթ առաջ՝ նոյեմբերի 3-ին և ուղարկել էր կադրերի տրամադրության ռեզերվ:
Կադրային սույն փոփոխությունն անհասկանալի էր մնում, քանի որ Մեհրաբյանը համարվել է իշխանությունների լավագույն ծառաներից մեկը: Նա առանձնակի աչքի էր ընկել և 2008-ին ընդդիմության ներկայացուցիչների նկատմամբ իրականացրած ապօրինությունների ու բռնությունների ընթացքում, երբ Կենտրոնի ոստիկանապետն էր, և դրանից հետո հանրային հնչեղություն ստացած տարբեր հարցերով քաղաքացիների իրականացրած բողոքի միջոցառումների ընթացքում:
Վերջին անգամ նա աչքի էր ընկել այս տարվա հունիսի 23-ին, երբ Բաղրամյան պողոտայում էլէներգիայի թանկացման դեմ բողոքի ցույցը ցրելու ժամանակ հայհոյել էր մի կնոջ:
Փաստորեն անգամ Արթուր Մեհրաբյանին դուր չի եկել իր և իր նմանների ապականած Հայաստանը»:
Ավելի մանրամասն կարդացեք թերթի այսօրվա համարում:
Շաբաթ-կիրակի օրերին Հրազդանի կիրճում մեքենաների երթևեկությունը պետք է արգելել. շլագբաումներ դրեք. Ավինյան 
Մայրաքաղաքի օդում փոշու և ազոտի երկօքսիդի պարունակությունը գերազանցել է սահմանային թույլատրելի կոնցենտրացիան 
