Երկրին է մոտենում մոտ մեկուկես կիլոմետր շառավղով 1998 OR2 ասղակերպը, որը, ինչպես երկրագնդի վրա կորոնավիրուսի պատճառով ստեղծված իրավիճակի առիթով կատակում են գիտնականները, որոշել է պաշտպանական դիմակ կրել, հաղորդում է BBC-ն։
1998-ին հայտնաբերված աստղակերպը համարվում է պոտենցիալ վտանգավոր, քանի որ այն պարբերաբար մոտենում է երկրի ուղեծրին, հաղորդում են ՆԱՍԱ-ում։ Վերջինիս տվյալներով աստղակերպը երկրին կմոտենա ապրիլի 29-ին, բայց կանցնի նրանից 6,2 մլն կմ անվտանգ հեռավորության վրա։
Պուերտո Ռիկոյի «Արեսիբո» աստղադիտարանի աստղագետներին հաջողվել է նկարահանել տիեզերքում թռչող երկնային մարմինը։ Նրանք կատակով նշում են, որ տեղյակ լինելով համաճարակի մասին, աստերոիդը պաշտպանիչ դիմակ է հագել, նկատի ունենալով նրա վրայի թմբերն ու լեռները։
Աստղադիտարանի փորձագետները հետեւում են երկրին մոտեցող աստղակերպերին եւ իրենց տվյալներն օգտագործում են երկրագնդի համար վտանգ ներկայացնող երկնային օբյեկտների հետագծերի մոդելավորման համար։
«Ցելսիուս» ընկերության փակ միջոցառումը՝ ՈՒԵՖԱ-ի Ֆուտզալի Չեմպիոնների Լիգայի խաղերին ընդառաջ (տեսանյութ) 
