Երևանի քաղաքապետարանը ֆեյսբուքյան իր էջում հրապարակել է մայրաքաղաքի տոնածառի ձեռքբերման պայմանագիրը` կից հետևյալ գրառմամբ.

«Հարգելի քաղաքացիներ, վերջերս շատ խոսվեց Երևանի գլխավոր տոնածառի ձեռքբերման մասին: Խուսափելու համար հետագա շահարկումներից հրապարակում ենք տոնածառի ձեռքբերման պայմանագիրը: Ինչպես նաև հրավիրում ենք բոլոր-բոլորին դեկտեմբերի 21-ին, ժամը 19:30-ին Հանրապետության հրապարակ՝ միասին վառելու գլխավոր ու նոր տոնածառի լույսերը»: