«Ժամանակ» թերթը գրում է. ««Ժամանակ»-ի տեղեկություններով՝ Վրաստանի իրավապահ մարմինները քրեական գործ են հարուցել այդ երկրի խորհրդարանի անդամ Հենզել Մկոյանի դեմ:
Մկոյանը իշխող «Վրացական երազանք» կուսակցության խորհրդարանական խմբակցության ներկայացուցիչ է և մեկն է մեծամասնական ընտրակարգով ընտրված այն պատգամավորներից, ով դեմ էր քվեարկել հաջորդ տարի կայանալիք խորհրդարանական ընտրությունները միայն համամասնական ընտրակարգով անցկացնելու օրենսդրական նախաձեռնությանը:
Մկոյանը մշտապես ֆինանսավորել է իշխող կուսակցության քարոզարշավները և թեկնածուներին: Նախագահական վերջին ընտրությունների ժամանակ նա իշխանության թեկնածու Սալոմե Զուրաբիշվիլիի նախընտրական հիմնադրամ էր փոխանցել 140 հազար լարի՝ 50 հազար դոլարից ավելի: Եվ հիմա առավել քան զարմանալի է, որ քաղաքական ու ֆինանսական առումով իշխանությանը ամեն կերպ ծառայած պատգամավորը մեղադրվում է բենզինի մատակարարման ինչ-որ մրցույթում ոչ արդարացի հաղթելու մեջ: Ի վերջո, այդ ծառայություններն իրենց գինը պետք է ունենա՞ն, թե՞ ոչ:
Առավել մանրամասն՝ թերթի այսօրվա համարում:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
