«Դալմա գարդեն մոլի» ցնցումներն, ամենայն հավանականությամբ, եղել են տանիքում օդափոխիչ սարքի ոչ ճիշտ տեղադրման կամ դրա մաշվածության պատճառով:
Այս մասին լրագրողների հետ զրույցում տեղեկացրել է ԱԻՆ սեյմսիկ պաշտպանության տարածքային ծառայության տնօրենի պաշտոնակատար Սոս Մարգարյանը: Նա հավաստիացրել է, որ շենքը շինարարական թերություններ չունի, այն նոր է, կառուցված է բոլոր նորմերին համապատասխան:
Ըստ տեղեկությւոնների՝ երբ կրկին միացրել են օդորակիչը, նույն թույլ ցնցումները կրկին դիտարկվել են: Սարքը կփոխվի և ցնցումներն այևս չեն կրկնվի: Առևտրի կենտրոնը վաղվանից կաշխատի:
Հիշեցնենք, որ հունվարի 9-ին «Դալմա գարդեն մոլում» արտակարգ իրավիճակ էր հայտարարվել: Ներսում գտնվող բոլոր քաղաքացիներին տարհանել էին: Անվտանգության աշխատակիցները մարդկանց ուղղորդել էին դեպի դուրս և բարձրախոսով հայտարարել, որ ներսում եղած բոլոր մարդիկ շտապ լքեն տարածքը:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
