Մի՞թե տղամարդիկ սիրահարվում են միայն կատարյալ մարմին ունեցող, կատարյալ կանանց: Ոչ:
Գաղտնիքն այն է, որ տղամարդիկ սիրահարվում են այն կանանց, ովքեր իրենք իրենց են սիրահարված:
Տղամարդիկ սիրահարվում են այն կանանց, ովքեր դիպչում են իրենց հոգուն, ովքեր ոգեշնչում են իրենց ու փոխում են կյանքի իրենց հեռանկարը:

1. Առանձնահատուկ կանայք

Տղամարդիկ սիրահարվում են այն կանանց, ովքեր առանձնանում են ամբոխից ու պատրաստ են լողալ հոսանքին հակառակ, ովքեր ստեղծում են իրենց թրենդներն ու չեն վախենում տարբերվելուց, ովքեր ունեն անհատականություն: Հենց դա է նրանց դարձնում առանձնահատուկ:


2. Կանայք, ովքեր հարգում են իրենց

Տղամարդիկ սիրահարվում են կանանց, ովքեր հարգում են իրենց ու հարգանք պահանջում այլ մարդկանցից: Նրանք տանել չեն կարողանում վատ վերաբերմունքը ու չեն վախենում հայտարարել այդ մասին:

3. Կանայք, ովքեր ստիպում են նվաճել իրենց


Տղամարդիկ սիրահարվում են այն կանանց, ովքեր իրենց ստիպում են ջանքեր գործադրել ու նվաճել նրանց, ովքեր իրենց ստիպում են անընդհատ կատարելագործվել, եթե ցանկանում են դառնալ այդ կանանց կյանքի մի մասը: Տղամարդիկ սիրում են այն կանանց, ովքեր արդարացումներ չեն փնտրում իրենց վատ վարքագծին, ովքեր իրենց սահմաններն ունեն ու պահում են դրանք, չնայած ամեն ինչին: Տղամարդիկ սիրահարվում են այն կանանց, ովքեր իրենց ստիպում են մտածել, նախքան ինչ-որ բան կանեն, քանի որ իրենք չեն ուզում սխալ գործել ու կորցնել այդ կնոջը:


4. Կանայք, ովքեր երջանիկ են ու իրենք իրենցից գոհ

Տղամարդիկ սիրահարվում են այն կանանց, ովքեր իրենց լավ են զգում նաև միայնության մեջ, ովքեր կարողանում են ինքնուրույն լավ ժամանակ անցկացնել, ովքեր երջանիկ են ու իրենց կյանքից, հոբբիներից ու մարդկանցից, ում հետ ժամանակ են անցկացնում, գոհ: Տղամարդիկ սիրահարվում են այն կանանց, ովքեր հասնում են իրենց երազանքներին ու չեն հանձնվում խոչընդոտների հանդիպելիս:

5. Կանայք, ում դուր է գալիս ապրել

Տղամարդիկ սիրահարվում են այն կանանց, ովքեր նկատում են մանրուքներ, ովքեր զարմանում են բնության հրաշքները տեսնելիս, ովքեր բաց չեն թողնում ծաղկի բույրը վայելելու հնարավորությունը կամ արևամուտին արևին «ցտեսություն» ասելու պահը: Տղամարդիկ սիրահարվում են այն կանանց, ովքեր սիրահարված են կյանքին ու շուրջը եղած ամեն ինչին, ովքեր նկատում են գեղեցիկն ամեն ինչի մեջ:

6. Կանայք, ում տղամարդիկ վախենում են կորցնել

Տղամարդիկ սիրահարվում են այն կանանց, ովքեր տղամարդկանց կարիքը չունեն, քանի որ իրենք ինքնաբավ են, ովքեր ուժեղ են և անկախ, ովքեր տղամարդուն ստիպում են վախենալ իրենց կորցնելուց: Նրանք սիրահարվում են այն կանանց, ովքեր նկատում են իրենց ջանքերը, զոհողություններն ու անկեղծությունը:

7. Կանայք, ում հետ տղամարդիկ իրենց զգում են, ինչպես տանը

Տղամարդիկ սիրահարվում են այն կանանց, ովքեր իրենց տարածություն են տալիս, երբ դա անհրաժեշտ է, ովքեր հարգում են ընկերների հետ ժամանակ անցկացնելու ու իրենց հոբբիով զբաղվելու իրենց պահանջմունքը: Նրանք սիրահարվում են այն կանանց, ովքեր իրենց կյանքն ունեն, և ովքեր հանուն տղամարդու չեն փոխում իրենց պլանները: Տղամարդիկ սիրահարվում են այն կանանց, ում հետ իրենց զգում են, ինչպես տանը, ովքեր ստեղծում են սիրող ու հարմարավետ միջավայր պարզապես իրեց բարեսրտությամբ:

8. Կանայք, ովքեր իրենց չափազանց լուրջ չեն ընդունում

Տղամարդիկ սիրահարվում են այն կանանց, ովքեր չեն վախենում իրենց ու իրենց հիմարությունների վրա ծիծաղելուց, որ երբեմն անում են: Նրանք սիրահարվում են այն կանանց, ովքեր միշտ դրականորեն են մտածում ու հենց այդպես էլ նայում են իրերին, այլ ոչ թե քննադատում են կամ բողոքում, ովքեր չեն ամաչում իրենք իրենցից ու չեն մտահոգվում մանրուքներից:

9. Կանայք, ովքեր թքած ունեն ուրիշի կարծիքի վրա

Տղամարդիկ սիրահարվում են այն կանանց, ովքեր բավականաչափ խիզախ են, որ ասեն այն, ինչ մտածում են, պահանջեն դա ու անեն այն, ինչ ճիշտ են համարում, ովքեր թքած ունեն, թե ինչ կասեն ուրիշներն իրենց աշխատանքի, ընկերների ու որոշումների վերաբերյալ: Տղամարդիկ սիրահարվում են այն կանանց, ովքեր չեն վախենում սխալներ գործելուց ու ռիսկի դիմելուց, ովքեր չեն վախենում իրենց կարծիքն արտահայտելուց ու, միևնույն ժամանակ, հարգում են այլոց կարծիքը:

Աղբյուրը՝ 168,am