Մոսկվայի բնակիչը զայրացած հարձակվել է իր կանչով ժամանած շտապօգնության բժիշկների վրա, քանի որ նրանք պաշտպանիչ հագուստով են եղել։ «Մենք, ի՞նչ, վարակի՞չ ենք»,- վրդովված վանկարկել է նա։ Տղամարդու հարվածների տակ են հայտնվել բժշկուհին ու 23-ամյա ֆելդշերը։
Շտապօգնության ծառայությունը հենց այդ տղամարդու կանչով էր ժամանել՝ նրա երեխային ստուգելու համար։ Բժիշկների տեղեկություններով՝ երեխայի մոտ թոքաբորբի ախտանշաններ են եղել։ Այդպիսի դեպքերում, ըստ նոր հրահանգի, նրանք պետք է կանչի վայր հասնեն հատուկ արտահագուստով՝ նոր կորոնավիրուսի հնարավոր տարածումից խուսափելու համար։
Այս արտահագուստը զայրացրել է տղամարդուն։ Նրա հարվածների հետևանքով երիտասարդ ֆելդշերը ճակատային ոսկրի կոտրվածքով տեղափոխվել է հիվանդանոց։ Նրա մոտ հիշողության կորստի ախտանշաններ կան։
Իրավապահներն առայժմ չեն արձագանքել այս դեպքին։ Իսկ երեխայի մոտ թոքաբորբ չի ախտորոշվել։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
