Ադրբեջանական 7news.az կայքի հրապարակած տեղեկատվության համաձայն, ղարաբաղյան հակամարտության ընթացքում զոհված ադրբեջանցի զինվորներից մեկի կինը հայտարարություն է տարածել։ Ստորև ներկայացնում ենք այն․

«Ես Ադրբեջանի ռազմաօդային ուժերի զոհված օդաչուի կինն եմ՝ Վալիևա Սաբինա Չինգիզ քյզի և դիմում եմ Ադրբեջանի մեր բոլոր քաղաքացիներին և այլ երկրների կառավարություններին:

2020-ի հոկտեմբերի 3-ին Ղարաբաղում գնդակահարվեց ամուսինս ՝ AR Air Force- ի օդաչու, Վալիև Սաբիրը, նա սպանվեց, և նրա մարմինը դեռ չի հայտնաբերվել: Մենք ունենք երկու երեխա: Ես նրա ռազմական գործընկերոջից (չեմ կարող անունը նշել) տեղեկացա այդ մասին: Ես հարցրի, թե ինչու Սաբիրը կատապուլտ չի արել, նա ասաց, որ իրենք չեն կարող կատապուլտ անել, որպեսզի չբռնվեն, քանի որ իրենց հետ թռչում են նաև թուրք օդաչուներ, որոնցից երկուսն արդեն մահացել են: Եվ եթե որևէ մեկը գերի ընկնի, Ադրբեջանը մեծ խնդիրներ կունենա, իրենց տոմսերը «միակողմանի» են։

Ինձ չի հետաքրքրում, թե ինչ խնդիրներ կունենա Ադրբեջանը: Ամուսնուս ռազմական գործընկերը նաև ասաց, որ իրենց զինվորների վիճակն էլ ավելի վատ է։ Նրանց հարձակման են ուղարկում առանց զրահամեքենաների, ինչպես թնդանոթի միս: Հազարավոր դիակներ մնում են մարտի դաշտում և նեխում, և դա դեմ է մեր իսլամական սովորույթներին, և մեր Պաշտպանության նախարարությունը նույնիսկ չի ցանկանում վերցնել դիերը:

Մեկ այլ զինվորական ինձ ասաց, որ մեր տղամարդիկ Մերձավոր Արևելքից ժամանած ահաբեկիչների աղբակույտի հետ պատերազմի են նետվում։ Նրանք իրական հանցագործներ են, և ոչ ոք չի անհանգստանում մեր զինվորների համար։

Հարյուրավոր զինվորներ զոհվում են այդ մարտերում, բայց հրամանատարները վախենում են ճշմարտությունը ասել մեր նախագահին: Նրանք ավելի ու ավելի շատ զինվորներ են հանում մարտադաշտ, որպեսզի չպատժվեն։

Զինվորականները պատմում են, որ եթե բնակչությունը իմանա մեր կորուստների մասին, կառավարությունը կկործանվի: Ես մեր զոհված շահիդների բազմաթիվ լուսանկարներ եմ տեսնում, բայց իշխանությունների համար նրանք պարզապես թնդանոթի միս են:

Ես դիմում եմ իմ ազգին, կառավարությանը, աշխարհի մարդկանց, տարբեր երկրների կառավարություններին, խնդրում եմ դադարեցնել պատերազմը և պատժել մեր կառավարությանը շահիդների և մարդկանց նկատմամբ անմարդկային վերաբերմունքի համար:

Նախագա՛հ Ալիև, դադարեցրեք, մի սպանեք մեր երեխաներին, ձեր հրամանատարները ստում են ձեզ, նրանք ձեզանից թաքցնում են մեր կորուստները և անմարդկային վերաբերմունք են ցուցաբերում զինվորների նկատմամբ: Մեր երկրից դու՛րս բերեք Մերձավոր Արևելքի ահաբեկիչներին:

Թո՛ղ Էրդողանը տանը թափի իր զինվորների արյունը՝ իր սեփական շահերի համար: Ես գիտեմ, որ երբ իմանան, որ ես դիմել եմ համաշխարհային հանրությանը, նրանք կսկսեն հետապնդել ինձ և կստիպեն հերքել իմ խոսքերը: Բայց ես կփորձեմ համառ լինել: Բոլորիդ աղաչում եմ բարձրացնել ձեր ձայնը»,- ասել է զոված ադրբեջանցի զինվորի կինը։