Ռուսական զինված ուժերը նախորդ գիշեր ավերիչ հարված են հասցրել Սիրիայի հյուսիսային հատվածում գտնվող տարածքների վրա՝ նավթի մաքսանենգության կետերի ուղղությամբ․ հարվածի հետևանքով թուրք-սիրիական սահմանին խոշոր պայթյուն է եղել, այնուհետև հրդեհ սկսվել, գրում է almasdarnews.com կայքը։
Սիրիայի հյուսիսից ստացված տեղեկությունների համաձայն՝ ռուսական հրթիռները թիրախավորել են նավթի շուկայի հիմնական տարածքը, որն օգտագործվել է մաքսանենգ վառելիքը զտելու և Հալեպի հյուսիսում գտնվող Ջարաբուլուս շրջանում վաճառելու համար:
Նշվում է, որ այս տարածքը Թուրքայի կողմից աջակցվող սիրիական ռազմական խմբավորումների վերահսկողության տակ է։ Ռուսական կողմի նման հարձակման պատճառը հստակ չէ, քանի որ թուրքական կողմից աջակցվող ուժերը տարիներ շարունակ վերահսկել են այս տարածքը։
Այնուամենայնիվ հաշվի առնելով նավթի մաքսանենգության հետ կապված շարունակական խնդիրը՝ առավել հավանական է, որ ռուսական զինուժը փորձել է թույլ չտալ, որ Սիրիայի Արաբական Հանրապետության ներսում բենզինի ճգնաժամից այս ուժերը հետագայում առավել շատ շահույթ ստանան:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
