Ֆուտբոլի Հայաստանի հավաքականի կիսապաշտպան Գևորգ Ղազարյանը, գոլի հեղինակ դառնալով վրացիների դեմ Ազգերի լիգայի խմբային փուլի նախավերջին՝ 5-րդ տուրի խաղում, 14-րդ գոլն է խփել ազգային թիմում: Այդ ցուցանիշով Կիպրոսի ԱԵԼ-ի ֆուտբոլիստը հավասարվել է Յուրա Մովսիսյանին, որի հետ կիսում է Հայաստանի հավաքականի բոլոր ժամանակների լավագույն ռմբարկուների ցուցակի երկրորդ տեղը: 32-ամյա Ղազարյանը Հայաստանի հավաքականում անցկացրել է 73 հանդիպում, իսկ Յուրա Մովսիսյանը՝ 38:
Հայաստանի հավաքականի հարձակվող Տիգրան Բարսեղյանը Վրաստանի դեմ խաղում կատարած 2 գոլային փոխանցումներից հետո առաջատար է դարձել այդ ցուցանիշով: Նա գոլային փոխանցումների թիվը հասցրեց 4-ի, ինչը լավագույն արդյունքն է Ազգերի լիգայի բոլոր դիվիզիոններում, hաղորդում է ՀՖՖ մամուլի ծառայությունը:
Հիշեցնենք, որ Թբիլիսիում տեղի ունեցած խաղում Հայաստանի հավաքականը հաղթել էր 2:1 հաշվով: Ազգերի լիգայի C դիվիզիոնի երկրորդ խմբի 5-րդ տուրից հետո Խոակին Կապառոսի գլխավորած թիմը 8 միավորով երկրորդ տեղում է: Առաջատար Հյուսիսային Մակեդոնիան ունի 9 միավոր, Վրաստանը՝ 6, իսկ Էստոնիան՝ 2: Նոյեմբերի 18-ին անցկացվելիք վերջին տուրի խաղում Հայաստանի հավաքականը Կիպրոսի մայրաքաղաք Նիկոսիայի GSP ստադիոնում կմրցի մակեդոնացիների հետ։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
