Հունվարի 27-ի կեսօրին ոստիկանության Էրեբունու բաժնում հաղորդում տված բուժքույրը հայտնում էր, որ մոտ մեկ ժամ առաջ երթուղային միկրոավտոբուսում գողացել են դրամապանակը:
Փողից բացի տարել էին նաև նույնականացման ու բանկային քարտերը: Գործի անցան ոստիկանության Երևան քաղաքի վարչության գրպանահատության դեմ պայքարի բաժանմունքի աշխատակիցները:
Հատուկ մասնագիտացած ծառայողների օպերատիվ-հետախուզական միջոցառումներն արդյունք տվեցին հաղորդումից կես ժամ անց:Գողությունը կատարելու կասկածանքով մայրաքաղաքի Արցախի պողոտայից բերման ենթարկվեց 32-ամյա մի տղամարդ:
Արմավիրի մարզի Արշալույս գյուղի բնակիչը խոստովանեց արարքը:Ոստիկանների արագ գործողությունների շնորհիվ գողոնն ամբողջությամբ հայտնաբերվել ու վերադարձվել է տիրոջը:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ Քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
