ԱՄՆ սենատոր Էլիզաբեթ Ուորենը ողջունում է Հայոց ցեղասպանությունը ճանաչելու նախագահ Ջո Բայդենի մտադրությունը: «Արմենպրես»-ի փոխանցմամբ, այս մասին նա գրառում է կատարել թվիթերյան իր էջում՝ կիսվելով Bloomberg-ի տարածած տեղեկատվությամբ այն մասին, որ Բայդենը Թուրքիայի նախագահ Ռեջեփ Թայիփ Էրդողանի հետ հեռախոսազրույցի ժամանակ հայտնել է Հայոց ցեղասպանությունը ճանաչելու մտադրության մասին:
«Ողջունում եմ Բայդենի որոշումը՝ պաշտոնապես ճանաչելու Հայոց ցեղասպանությունը: Վաղուց արդեն ժամանակն է կոչել կոտորածներն իրենց անունով՝ ցեղասպանություն: Պետք է ճանաչենք անցյալի սարսափները, եթե ցանկանում ենք խուսափել ապագայում դրանց կրկնությունից»,- նշել է սենատորը:
Ուորենը հայտարարել է, որ միանում է ԱՄՆ հայ համայնքին և ողջ հայ ժողովրդին Հայոց ցեղասպանության ճանաչման պայքարի հարցում՝ հիշելու և հարգելու բոլոր նրանց, ովքեր մահացան, և ողջունելու նրանց, ովքեր ողջ մնացին և պայքարեցին հանուն ճանաչման:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
