Եթե Փարիզյան կլիմայական համաձայնագրով Չինաստանը չկրճատի ջերմոցային գազերի արտանետումները, մարդկությունն աղետի կբախվի, կանխատեսել է Պրոգրեսիվ քաղաքականության ամերիկյան ինստիտուտի ռազմավարական խորհրդատու Փոլ Բլեդսոն: Այս մասին գրում է The Hill-ը, փոխանցում է Լենտան։
Փորձագետը հիշեցրել է, որ Միացյալ Նահանգները և եվրոպական երկրները պարտավորվել են կրճատել արտանետումները, ինչը երկարաժամկետ հեռանկարում պետք է հանգեցնի ընդհանուր կրճատման ամբողջ աշխարհում: Այնուամենայնիվ, դրան կարող է խանգարել Չինաստանում վնասակար արտանետումների աճը:
Բլեդսոն հղում է արել Rhodium Group-ի վերջերս կատարած ուսումնասիրությանը, որում ասվում է, որ 2019 թվականին Չինաստանի արտանետումները գերազանցել են բոլոր զարգացած երկրների արտանետումները միասին վերցրած:
Փորձագետի կարծիքով, եթե այս միտումը շարունակվի, կարող է չհասնել Փարիզյան համաձայնագրի նպատակին․ ածխածնի չեզոքություն՝ մինչև 2050 թվականը: Սա կարող է մեծացնել աղետալի կլիմայական փոփոխության ռիսկը:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
