Կառավարության նիստից հետո լրագրողների հետ ճեպազրույցում Էկոնոմիկայի նախարարի պաշտոնակատար Վահան Քերոբյանն ասաց, որ Նիկոլ Փաշինյանի նշած փաստաթուղթը շուտով կհանրայնացվի: Նրա խոսքով՝ հողերի զիջման մասին խոսք չկա: Հարցին՝ Տավուշի մարզից գյուղեր հանձնելու մասին կետ չկա՞, ասաց՝ ոչ: Ճշտող հարցին՝ հայկական կողմից ի՞նչ զիջումներ են նախատեսվում, պատասխանեց՝ ոչ մի:
Հիշեցնենք՝ Կառավարության նիստի ժամանակ Նիկոլ Փաշինյանը հայտարարել էր. «Այն լուծումները, որոնք այս պահին մեր միջազգային գործընկերների հետ ձեռք են բերված նախնականում, 100 տոկոսով համապատասխանում են ՀՀ շահերին: Այո, եթե Ադրբեջանը էդ պայմանավորվածություններն իրագործի ու էն պայմաններում, ինչ որ խոսել ենք, ես այդ թուղթը ստորագրելու եմ: Ես դա չեմ հրապարակի, որովհետև կոռեկտ չէ՝ աշխատանքային թուղթ է, բանակցություններ են ընթանում և այլն»:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
