Ֆրանսիայի նախագահ Էմանուել Մակրոնը պայմանավորվել է ՌԴ նախագահ Վլադիմիր Պուտինի հետ Հայաստանի և Ադրբեջանի միջև փոխադարձ վստահության ամրապնդմանն ուղղված քայլերի աջակցման հարցում։ Այս մասին հայտնել է Ելիսեյան պալատը երկու պետությունների առաջնորդների զրույցի արդյունքներով, փոխանցում է TASS-ը։
«Հայաստանի և Ադրբեջանի միջև լարվածության հարցի հետ կապված՝ ֆրանսիական պետության ղեկավարը նախագահ Պուտինի հետ քննարկել է ԵԱՀԿ Մինսկի խմբի համանախագահների ջանքերը, որոնք կոչված են խթանելու վստահության միջոցները, այդ թվում՝ մարդասիրական ոլորտում»,-ասվում է Ելիսեյան պալատի հայտարարության մեջ։
Ֆրանսիայի և Ռուսաստանի նախագահները վերահաստատել են իրենց համաձայնությունը՝ նման միջոցների շուտափույթ ընդունման համար իրենց հեղինակության օգտագործման հետ կապված։
Կողմերը զրույցի ժամանակ անդրադարձել են նաև Ուկրաինայի շուրջ, Բելառուս-Լեհաստան սահմանին տիրող իրավիճակին, պայմանավորվել են մինչև տարեվերջ ևս մեկ անգամ բանակցել։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
