Հայաստանում մասնագետները կատարում են նաեւ տնային այցեր՝ պոլիկլինիկա կամ շրջիկ կետեր հաճախելու հետ դժվարություններ ունեցող մարդկանց տնային պայմաններում կորոնավիրուսի դեմ պատվաստելու համար: Այս մասին լրագրողների հետ զրույցում ասաց առողջապահության նախարար Անահիտ Ավանեսյանը:
Նրա խոսքով՝ պատվաստումները հասանելի դարձնելու համար մի շարք վայրերում շրջիկ կետեր բացվել: Ավելին, կատարվում են տնային այցեր, որպեսզի հաշմանդամություն ունեցող եւ տեղաշարժվելու հետ խնդիրներ ունեցող մարդիկ եւս կարողանան պատվաստվել՝ տնային պայմաններում:
Ավանեսյանը նաեւ նշեց, որ ամբուլատորիայի թերապեւտը պետք է նաեւ իր պացիենտներին տեղեկատվություն տրամադրի պատվաստման բոլոր հասանելի տարբերակների մասին: Կարեւոր է նաեւ, որ նա տեղեկատվություն տրամադրի այն մասին, թե քրոնիկ որ հիվանդություններն են ռիսկի գործոն համարվում եւ ինչու է այդ հիվանդություններով պացիենտներին խորհուրդ տրվում պատվաստվել:
Մասնավորապես, պատվաստման համար հստակ ցուցում է համարվում շաքարային դիաբետը, որը նկատելիորեն բարձրացնում է կորոնավիրուսով վարակվելու դեպքում ծանր ընթացքի եւ մահվան ռիսկը:
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
