ԵՄ, ՆԱՏՕ եւ ԱՄՆ ղեկավարները ուրբաթ երեկոյան, «տագնապալի հաղորդագրությունների ֆոնին», հեռախոսազրույց են ունեցել, որի ընթացքում կոչ են արել անհապաղ թուլացնել լարված իրավիճակն Ուկրաինայի շուրջ։ Այս մասին տեղեկացրել է Եվրախորհրդի ղեկավար Շառլ Միշելը, փոխանցում է ՏԱՍՍ-ը։
«Հեռախոսազրույցում քննարկվել են վերջին իրադարձությունները Ռուսաստանի եւ Ուկրաինայի շուրջ։ Կոչ է արվել անհապաղ թուլացնել լարված իրավիճակը տագնապալի հաղորդագրությունների ֆոնին։ ԵՄ-ը կողմնակից է դիվանագիտական ճանապարհին եւ միասնական է Ուկրաինային աջակցելու հարցում»,- գրել է Միշելը Twitter-ում։
Հեռախոսազրույցի մասին տեղեկացրել է նաեւ ՆԱՏՕ գլխավոր քարտուղար Ենս Սթոլտենբերգը։ «Լավ հեռախոսազրույց էր Ջո Բայդենի եւ տրանսատլանտյան ղեկավարների հետ Ուկրաինայում եւ նրա շուրջ շարունակվող անվտանգության ճգնաժամի մասին»,- գրել է նա։ «Մենք շարունակում ենք մեր դիվանագիտական ջանքերը եւ համաձայն ենք, որ Ռուսաստանի ցանկացած ագրեսիա թանկ կարժենա»,- հավաստիացրել է դաշինքի գլխավոր քարտուղարը։
Իրավիճակն Ուկրաինայի շուրջ Եվրամիության 27 երկրների ԱԳՆ ղեկավարների նիստի գլխավոր թեման կլինի։ Նիստը տեղի կունենա փետրվարի 21-ին Բրյուսելում։ Եվրոպացի նախարարները կքննարկեն թեման ուկրաինացի գործընկերոջ՝ Դմիտրի Կուլեբայի հետ։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
