Ապրիլի 8-ին Մոսկվայում կկայանա Ռուսաստանի Դաշնության եւ Հայաստանի արտգործնախարարների հանդիպումը։ Այս մասին ապրիլի 6-ին կայացած ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ Արարատ Միրզոյանի այցն աշխատանքային կլինի:
Մարիա Զախարովայի խոսքով՝ արտգործնախարարները մանրամասն կքննարկեն երկկողմ համագործակցության քայլերը բոլոր ոլորտներում, ինտեգրացիոն միություններում եւ այլ միջազգային հարթակներում:
Նաեւ մտքերի հանգամանալից փոխանակում տեղի կունենա Հայաստանի, Ադրբեջանի եւ Ռուսաստանի ղեկավարների 2020 թվականի նոյեմբերի 9-ի, հունվարի 11-ի եւ 2021 թվականի նոյեմբերի 26-ի եռակողմ հայտարարությունների կատարման վերաբերյալ։
«Հուսով ենք, որ Մոսկվայում կայանալիք բանակցությունները կնպաստեն դաշնակցային փոխգործակցության խորացմանը, խաղաղության եւ կայունության գործի առաջխաղացմանն Անդրկովկասում»,- ասել է ՌԴ ԱԳՆ ներկայացուցիչը։
Ameriabank has provided business loans totaling over AMD 14 billion to the renewable energy sector
Use of smart solutions at financial companies: Ameriabank partners Silicon Mountains 2022
